সূক্ত 35

35.1

৮ প্রভূবসুরাঙ্গিরসঃ। ইন্দ্রঃ । অনুষ্টুপ্, ৮ পঙ্ক্তিঃ।

যস্তে সাধিষ্ঠোঽবস ইন্দ্র ক্রতুষ্টমা ভর ।
অস্মভ্যং চর্ষণীসহং সস্নিং বাজেষু দুষ্টরম্ ॥১॥

35.2

যদিন্দ্র তে চতস্রো যচ্ছূর সন্তি তিস্রঃ ।
যদ্ বা পঞ্চ ক্ষিতীনামবস্তৎ সু ন আ ভর ॥২॥

35.3

আ তেঽবো বরেণ্যং বৃষন্তমস্য হূমহে ।
বৃষজূতির্হি জজ্ঞিষ আভূভিরিন্দ্র তুর্বণিঃ ॥৩॥

35.4

বৃষা হ্যসি রাধসে জজ্ঞিষে বৃষ্ণি তে শবঃ ।
স্বক্ষত্রং তে ধৃষন্মনঃ সত্রাহমিন্দ্র পৌংস্যম্ ॥৪॥

35.5

ত্বং তমিন্দ্র মর্ত্যমমিত্রয়ন্তমদ্রিবঃ ।
সর্বরথা শতক্রতো নি যাহি শবসস্পতে ॥৫॥

35.6

ত্বামিদ্ বৃত্রহন্তম জনাসো বৃক্তবর্হিষঃ ।
উগ্রং পূর্বীষু পূর্ব্যং হবন্তে বাজসাতয়ে ॥৬॥

35.7

অস্মাকমিন্দ্র দুষ্টরং পুরোয়াবানমাজিষু ।
সয়াবানং ধনেধনে বাজয়ন্তমবা রথম্ ॥৭॥

35.8

অস্মাকমিন্দ্রেহি নো রথমবা পুরংধ্যা ।
বয়ং শবিষ্ঠ বার্যং দিবি শ্রবো দধীমহি দিবি স্তোমং মনামহে ॥৮॥