সূক্ত 34

34.1

৯ প্রাজাপত্যঃ সংবরণঃ। ইন্দ্রঃ। জগতী, ৯ ত্রিষ্টুপ্।

অজাতশত্রুমজরা স্বর্বত্যনু স্বধামিতা দস্মমীয়তে ।
সুনোতন পচত ব্রহ্মবাহসে পুরুষ্টুতায় প্রতরং দধাতন ॥১॥

34.2

আ যঃ সোমেন জঠরমপিপ্রতাঽমন্দত মঘবা মধ্বো অন্ধসঃ ।
যদীং মৃগায় হন্তবে মহাবধঃ সহস্রভৃষ্টিমুশনা বধং যমৎ ॥২॥

34.3

যো অস্মৈ ঘ্রংস উত বা য ঊধনি সোমং সুনোতি ভবতি দ্যুমাঁ অহ ।
অপাপ শক্রস্ততনুষ্টিমূহতি তনূশুভ্রং মঘবা যঃ কবাসখঃ ॥৩॥

34.4

যস্যাবধীৎ পিতরং যস্য মাতরং যস্য শক্রো ভ্রাতরং নাত ঈষতে ।
বেতীদ্বস্য প্রয়তা যতংকরো ন কিল্বিষাদীষতে বস্ব আকরঃ ॥৪॥

34.5

ন পঞ্চভির্দশভির্বষ্ট্যারভং নাসুন্বতা সচতে পুষ্যতা চন ।
জিনাতি বেদমুয়া হন্তি বা ধুনিরা দেবয়ুং ভজতি গোমতি ব্রজে ॥৫॥

34.6

বিত্বক্ষণঃ সমৃতৌ চক্রমাসজোঽসুন্বতো বিষুণঃ সুন্বতো বৃধঃ ।
ইন্দ্রো বিশ্বস্য দমিতা বিভীষণো যথাবশং নয়তি দাসমার্যঃ ॥৬॥

34.7

সমীং পণেরজতি ভোজনং মুষে বি দাশুষে ভজতি সূনরং বসু ।
দুর্গে চন ধ্রিয়তে বিশ্ব আ পুরু জনো যো অস্য তবিষীমচুক্রুধৎ ॥৭॥

34.8

সং যজ্জনৌ সুধনৌ বিশ্বশর্ধসাববেদিন্দ্রো মঘবা গোষু শুভ্রিষু ।
যুজং হ্য১ন্যমকৃত প্রবেপন্যুদীং গব্যং সৃজতে সত্বভির্ধুনিঃ ॥৮॥

34.9

সহস্রসামাগ্নিবেশিং গৃণীষে শত্রিমগ্ন উপমাং কেতুমর্যঃ ।
তস্মা আপঃ সংয়তঃ পীপয়ন্ত তস্মিন্ ক্ষত্রমমবৎ ত্বেষমস্তু ॥৯॥