সূক্ত 30

30.1

১৫ বভ্রুরাত্রেয়ঃ। ইন্দ্রঃ, ১২-১৫ ঋণংচয়েন্দ্রৌ। ত্রিষ্টুপ্।

ক্ব১ স্য বীরঃ কো অপশ্যদিন্দ্রং সুখরথমীয়মানং হরিভ্যাম্ ।
যো রায়া বজ্রী সুতসোমমিচ্ছন্ তদোকো গন্তা পুরুহূত ঊতী ॥১॥

অবাচচক্ষং পদমস্য সস্বরুগ্রং নিধাতুরন্বায়মিচ্ছন্ ।
অপৃচ্ছমন্যাঁ উত তে ম আহুরিন্দ্রং নরো বুবুধানা অশেম ॥২॥

প্র নু বয়ং সুতে যা তে কৃতানীন্দ্র ব্রবাম যানি নো জুজোষঃ ।
বেদদবিদ্বাঞ্ছৃণবচ্চ বিদ্বান্ বহতেঽয়ং মঘবা সর্বসেনঃ ॥৩॥

স্থিরং মনশ্চকৃষে জাত ইন্দ্র বেষীদেকো যুধয়ে ভূয়সশ্চিৎ ।
অশ্মানং চিচ্ছবসা দিদ্যুতো বি বিদো গবামূর্বমুস্রিয়াণাম্ ॥৪॥

পরো যৎ ত্বং পরম আজনিষ্ঠাঃ পরাবতি শ্রুত্যং নাম বিভ্রৎ ।
অতশ্চিদিন্দ্রাদভয়ন্ত দেবা বিশ্বা অপো অজয়দ্ দাসপত্নীঃ ॥৫॥

তুভ্যেদেতে মরুতঃ সুশেবা অর্চন্ত্যর্কং সুন্বন্ত্যন্ধঃ ।
অহিমোহানমপ আশয়ানং প্র মায়াভির্মায়িনং সক্ষদিন্দ্রঃ ॥৬॥

বি ষূ মৃধো জনুষা দানমিন্বন্নহন্ গবা মঘবন্ ত্সংচকানঃ ।
অত্রা দাসস্য নমুচেঃ শিরো যদবর্তয়ো মনবে গাতুমিচ্ছন্ ॥৭॥

যুজং হি মামকৃথা আদিদিন্দ্র শিরো দাসস্য নমুচের্মথায়ন্ ।
অশ্মানং চিৎ স্বর্যং১ বর্তমানং প্র চক্রিয়েব রোদসী মরুদ্ভ্যঃ ॥৮॥

স্ত্রিয়ো হি দাস আয়ুধানি চক্রে কিং মা করন্নবলা অস্য সেনাঃ ।
অন্তর্হ্যখ্যদুভে অস্য ধেনে অথোপ প্রৈদ্যু যুধয়ে দস্যুমিন্দ্রঃ ॥৯॥

সমত্র গাবোঽভিতোঽনবন্তেহেহ বত্সৈর্বিয়ুতা যদাসন্ ।
সং তা ইন্দ্রো অসৃজদস্য শাকৈর্যদীং সোমাসঃ সুষুতা অমন্দন্ ॥১০॥

যদীং সোমা বভ্রুধূতা অমন্দন্নরোরবীদ্ বৃষভঃ সাদনেষু ।
পুরংদরঃ পপিবাঁ ইন্দ্রো অস্য পুনর্গবামদদাদুস্রিয়াণাম্ ॥১১॥

ভদ্রমিদং রুশমা অগ্নে অক্রন্ গবাং চত্বারি দদতঃ সহস্রা ।
ঋণংচয়স্য প্রয়তা মঘানি প্রত্যগ্রভীষ্ম নৃতমস্য নৃণাম্ ॥১২॥

সুপেশসং মাব সৃজন্ত্যস্তং গবাং সহস্রৈ রুশমাসো অগ্নে ।
তীব্রা ইন্দ্রমমমন্দুঃ সুতাসোঽক্তোর্ব্যুষ্টৌ পরিতক্ম্যায়াঃ ॥১৩॥

ঔচ্ছৎ সা রাত্রী পরিতক্ম্যা যাঁ ঋণংচয়ে রাজনি রুশমানাম্ ।
অত্যো ন বাজী রঘুরজ্যমানো বভ্রুশ্চত্বার্যসনৎ সহস্রা ॥১৪॥

চতুঃসহস্রং গব্যস্য পশ্বঃ প্রত্যগ্রভীষ্ম রুশমেষ্বগ্নে ।
ঘর্মশ্চিৎ তপ্তঃ প্রবৃজে য আসীদয়স্ময়স্তম্বাদাম বিপ্রাঃ ॥১৫॥