সূক্ত 26

26.1

৯ বসূয়ব আত্রেয়াঃ। অগ্নিঃ, ৯বিশ্বে দেবাঃ । গায়ত্রী।

অগ্নে পাবক রোচিষা মন্দ্রয়া দেব জিহ্বয়া । আ দেবান্ বক্ষি যক্ষি চ ॥১॥

তং ত্বা ঘৃতস্নবীমহে চিত্রভানো স্বর্দৃশম্ । দেবাঁ আ বীতয়ে বহ ॥২॥

বীতিহোত্রং ত্বা কবে দ্যুমন্তং সমিধীমহি । অগ্নে বৃহন্তমধ্বরে ॥৩॥

অগ্নে বিশ্বেভিরা গহি দেবেভির্হব্যদাতয়ে । হোতারং ত্বা বৃণীমহে ॥৪॥

যজমানায় সুন্বত আগ্নে সুবীর্যং বহ । দেবৈরা সত্সি বর্হিষি ॥৫॥

সমিধানঃ সহস্রজিদগ্নে ধর্মাণি পুষ্যসি । দেবানাং দূত উক্থ্যঃ ॥৬॥

ন্য১গ্নিং জাতবেদসং হোত্রবাহং যবিষ্ঠ্যম্ । দধাতা দেবমৃত্বিজম্ ॥৭॥

প্র যজ্ঞ এত্বানুষগদ্যা দেবব্যচস্তমঃ । স্তৃণীত বর্হিরাসদে ॥৮॥

এদং মরুতো অশ্বিনা মিত্রঃ সীদন্তু বরুণঃ । দেবাসঃ সর্বয়া বিশা ॥৯॥