সূক্ত 27

27.1

৬ ত্রৈবৃষ্ণস্ত্র্যরুণঃ, পৌরুকুত্সস্রসদস্যুঃ ভারতোঽশ্বমেধশ্চ রাজানঃ, (অত্রির্ভৌম ইতি কেচিত্)। অগ্নিঃ ৬ ইন্দ্রাগ্নী।ত্রিষ্টুপ্, ৪-৬ অনুষ্টুপ্।

অনস্বন্তা সত্পতির্মামহে মে গাবা চেতিষ্ঠো অসুরো মঘোনঃ ।
ত্রৈবৃষ্ণো অগ্নে দশভিঃ সহস্রৈর্বৈশ্বানর ত্র্যরুণশ্চিকেত ॥১॥

27.2

যো মে শতা চ বিংশতিং চ গোনাং হরী চ যুক্তা সুধুরা দদাতি ।
বৈশ্বানর সুষ্টুতো বাবৃধানোঽগ্নে যচ্ছ ত্র্যরুণায় শর্ম ॥২॥

27.3

এবা তে অগ্নে সুমতিং চকানো নবিষ্ঠায় নবমং ত্রসদস্যুঃ ।
যো মে গিরস্তুবিজাতস্য পূর্বীর্যুক্তেনাভি ত্র্যরুণো গৃণাতি ॥৩॥

27.4

যো ম ইতি প্রবোচত্যশ্বমেধায় সূরয়ে ।
দদদৃচা সনিং যতে দদন্মেধামৃতায়তে ॥৪॥

27.5

যস্য মা পরুষাঃ শতমুদ্ধর্ষয়ন্ত্যুক্ষণঃ ।
অশ্বমেধস্য দানাঃ সোমা ইব ত্র্যাশিরঃ ॥৫॥

27.6

ইন্দ্রাগ্নী শতদাব্ন্যশ্বমেধে সুবীর্যম্ ।
ক্ষত্রং ধারয়তং বৃহদ্ দিবি সূর্যমিবাজরম্ ॥৬॥