সূক্ত 11

11.1

৬ সুতংভর আত্রেয়ঃ। অগ্নিঃ । জগতী।

জনস্য গোপা অজনিষ্ট জাগৃবিরগ্নিঃ সুদক্ষঃ সুবিতায় নব্যসে ।
ঘৃতপ্রতীকো বৃহতা দিবিস্পৃশা দ্যুমদ্ বি ভাতি ভরতেভ্যঃ শুচিঃ ॥১॥

11.2

যজ্ঞস্য কেতুং প্রথমং পুরোহিতমগ্নিং নরস্ত্রিষধস্থে সমীধিরে ।
ইন্দ্রেণ দেবৈঃ সরথং স বর্হিষি সীদন্নি হোতা যজথায় সুক্রতুঃ ॥২॥

11.3

অসম্মৃষ্টো জায়সে মাত্রোঃ শুচির্মন্দ্রঃ কবিরুদতিষ্ঠো বিবস্বতঃ ।
ঘৃতেন ত্বাবর্ধয়ন্নগ্ন আহুত ধূমস্তে কেতুরভবদ্ দিবি শ্রিতঃ ॥৩॥

11.4

অগ্নির্নো যজ্ঞমুপ বেতু সাধুয়া ঽগ্নিং নরো বি ভরন্তে গৃহেগৃহে ।
অগ্নির্দূতো অভবদ্ধব্যবাহনোঽগ্নিং বৃণানা বৃণতে কবিক্রতুম্ ॥৪॥

11.5

তুভ্যেদমগ্নে মধুমত্তমং বচস্তুভ্যং মনীষা ইয়মস্তু শং হৃদে ।
ত্বাং গিরঃ সিন্ধুমিবাবনীর্মহীরা পৃণন্তি শবসা বর্ধয়ন্তি চ ॥৫॥

11.6

ত্বামগ্নে অঙ্গিরসো গুহা হিতমন্ববিন্দঞ্ছিশ্রিয়াণং বনেবনে ।
স জায়সে মথ্যমানঃ সহো মহৎ ত্বামাহুঃ সহসস্পুত্রমঙ্গিরঃ ॥৬॥