সূক্ত 10

10.1

৭ গয় আত্রেয়ঃ। অগ্নিঃ। অনুষ্টুপ্, ৪-৭ পংক্তিঃ।

অগ্ন ওজিষ্ঠমা ভর দ্যুম্নমস্মভ্যমধ্রিগো ।
প্র নো রায়া পরীণসা রত্সি বাজায় পন্থাম্ ॥১॥

10.2

ত্বং নো অগ্নে অদ্ভুত ক্রত্বা দক্ষস্য মংহনা ।
ত্বে অসুর্য১মারুহৎ ক্রাণা মিত্রো ন যজ্ঞিয়ঃ ॥২॥

10.3

ত্বং নো অগ্ন এষাং গয়ং পুষ্টিং চ বর্ধয় ।
যে স্তোমেভিঃ প্র সূরয়ো নরো মঘান্যানশুঃ ॥৩॥

10.4

যে অগ্নে চন্দ্র তে গিরঃ শুম্ভন্ত্যশ্বরাধসঃ ।
শুষ্মেভিঃ শুষ্মিণো নরো দিবশ্চিদ্ যেষাং বৃহৎ সুকীর্তির্বোধতি ত্মনা ॥৪॥

10.5

তব ত্যে অগ্নে অর্চয়ো ভ্রাজন্তো যন্তি ধৃষ্ণুয়া ।
পরিজ্মানো ন বিদ্যুতঃ স্বানো রথো ন বাজয়ুঃ ॥৫॥

10.6

নূ নো অগ্ন ঊতয়ে সবাধসশ্চ রাতয়ে ।
অস্মাকাসশ্চ সূরয়ো বিশ্বা আশাস্তরীষণি ॥৬॥

10.7

ত্বং নো অগ্নে অঙ্গিরঃ স্তুতঃ স্তবান আ ভর ।
হোতর্বিভ্বাসহং রয়িংঃ স্তোতৃভ্যঃ স্তবসে চ ন উতৈধি পৃত্সু নো বৃধে ॥৭॥