সূক্ত 9

9.1

৭ গয় আত্রেয়ঃ। অগ্নিঃ। অনুষ্টুপ্, ৫-৭ পংক্তিঃ।

ত্বামগ্নে হবিষ্মন্তো দেবং মর্তাস ঈলতে ।
মন্যে ত্বা জাতবেদসং স হব্যা বক্ষ্যানুষক্ ॥১॥

9.2

অগ্নির্হোতা দাস্বতঃ ক্ষয়স্য বৃক্তবর্হিষঃ ।
সং যজ্ঞাসশ্চরন্তি যং সং বাজাসঃ শ্রবস্যবঃ ॥২॥

9.3

উত স্ম যং শিশুং যথা নবং জনিষ্টারণী ।
ধর্তারং মানুষীণাং বিশামগ্নিং স্বধ্বরম্ ॥৩॥

9.4

উত স্ম দুর্গৃভীয়সে পুত্রো ন হ্বার্যাণাম্ ।
পুরূ যো দগ্ধাসি বনা ঽগ্নে পশুর্ন যবসে ॥৪॥

9.5

অধ স্ম যস্যার্চয়ঃ সম্যক্ সংয়ন্তি ধূমিনঃ ।
যদীমহ ত্রিতো দিব্যুপ ধ্মাতেব ধমতি শিশীতে ধ্মাতরী যথা ॥৫॥

9.6

তবাহমগ্ন ঊতিভির্মিত্রস্য চ প্রশস্তিভিঃ ।
দ্বেষোয়ুতো ন দুরিতা তুর্যাম মর্ত্যানাম্ ॥৬॥

9.7

তং নো অগ্নে অভী নরো রয়িং সহস্ব আ ভর ।
স ক্ষেপয়ৎ স পোষয়দ্ ভুবদ্ বাজস্য সাতয় উতৈধি পৃত্সু নো বৃধে ॥৭॥