সূক্ত 12

12.1

৬ সুতংভর আত্রেয়ঃ। অগ্নিঃ । ত্রিষ্টুপ্।

প্রাগ্নয়ে বৃহতে যজ্ঞিয়ায় ঋতস্য বৃষ্ণে অসুরায় মন্ম ।
ঘৃতং ন যজ্ঞ আস্যে৩ সুপূতং গিরং ভরে বৃষভায় প্রতীচীম্ ॥১॥

ঋতং চিকিত্ব ঋতমিচ্চিকিদ্ধ্যৃতস্য ধারা অনু তৃন্ধি পূর্বীঃ ।
নাহং যাতুং সহসা ন দ্বয়েন ঋতং সপাম্যরুষস্য বৃষ্ণঃ ॥২॥

কয়া নো অগ্ন ঋতয়ন্নৃতেন ভুবো নবেদা উচথস্য নব্যঃ ।
বেদা মে দেব ঋতুপা ঋতূনাং নাহং পতিং সনিতুরস্য রায়ঃ ॥৩॥

কে তে অগ্নে রিপবে বন্ধনাসঃ কে পায়বঃ সনিষন্ত দ্যুমন্তঃ ।
কে ধাসিমগ্নে অনৃতস্য পান্তি ক আসতো বচসঃ সন্তি গোপাঃ ॥৪॥

সখায়স্তে বিষুণা অগ্ন এতে শিবাসঃ সন্তো অশিবা অভূবন্ ।
অধূর্ষত স্বয়মেতে বচোভির্ঋজূয়তে বৃজিনানি ব্রুবন্তঃ ॥৫॥

যস্তে অগ্নে নমসা যজ্ঞমীট্ট ঋতং স পাত্যরুষস্য বৃষ্ণঃ ।
তস্য ক্ষয়ঃ পৃথুরা সাধুরেতু প্রসর্স্রাণস্য নহুষস্য শেষঃ ॥৬॥