Sukta 12

12.1

6 sutambhara atreyah, agnih, trishtup

प्राग्नये॑ बृह॒ते य॒ज्ञिया॑य ऋ॒तस्य॒ वृष्णे॒ असु॑राय॒ मन्म॑ ।
घृ॒तं न य॒ज्ञ आ॒स्ये॒३ सुपू॑तं॒ गिरं॑ भरे वृष॒भाय॑ प्रती॒चीम् ॥१॥

Pragnaye brihate yagyiyaya ritasya vrishne asuraya manma
Ghritam na yagya asye3 suputam giram bhare vrishabhaya pratichim

ऋ॒तं चि॑कित्व ऋ॒तमिच्चि॑किद्ध्यृ॒तस्य॒ धारा॒ अनु॑ तृन्धि पू॒र्वीः ।
नाहं या॒तुं सह॑सा॒ न द्व॒येन॑ ऋ॒तं स॑पाम्यरु॒षस्य॒ वृष्ण॑ः ॥२॥

Ritam chikitva ritamichchikiddhyritasya dhara anu trindhi purvih
Naham yatum sahasa na dvayena ritam sapamyarushasya vrishnah

कया॑ नो अग्न ऋ॒तय॑न्नृ॒तेन॒ भुवो॒ नवे॑दा उ॒चथ॑स्य॒ नव्य॑ः ।
वेदा॑ मे दे॒व ऋ॑तु॒पा ऋ॑तू॒नां नाहं पतिं॑ सनि॒तुर॒स्य रा॒यः ॥३॥

Kaya no agna ritayannritena bhuvo naveda uchathasya navyah
Veda me deva ritupa ritunam naham patim saniturasya rayah

के ते॑ अग्ने रि॒पवे॒ बन्ध॑नास॒ः के पा॒यव॑ः सनिषन्त द्यु॒मन्त॑ः ।
के धा॒सिम॑ग्ने॒ अनृ॑तस्य पान्ति॒ क आस॑तो॒ वच॑सः सन्ति गो॒पाः ॥४॥

Ke te agne ripave bandhanasah ke payavah sanishanta dyumantah
Ke dhasimagne anritasya panti ka asato vachasah santi gopah

सखा॑यस्ते॒ विषु॑णा अग्न ए॒ते शि॒वास॒ः सन्तो॒ अशि॑वा अभूवन् ।
अधू॑र्षत स्व॒यमे॒ते वचो॑भिर्ऋजूय॒ते वृ॑जि॒नानि॑ ब्रु॒वन्त॑ः ॥५॥

Sakhayaste vishuna agna ete shivasah santo ashiva abhuvan
Adhurshata svayamete vachobhirrijuyate vrijinani bruvantah

यस्ते॑ अग्ने॒ नम॑सा य॒ज्ञमीट्ट॑ ऋ॒तं स पा॑त्यरु॒षस्य॒ वृष्ण॑ः ।
तस्य॒ क्षय॑ः पृ॒थुरा सा॒धुरे॑तु प्र॒सर्स्रा॑णस्य॒ नहु॑षस्य॒ शेष॑ः ॥६॥

Yaste agne namasa yagyamitta ritam sa patyarushasya vrishnah
Tasya kshayah prithura sadhuretu prasarsranasya nahushasya sheshah