সূক্ত 9

9.1

৮ বামদেবো গৌতমঃ। অগ্নিঃ।গায়ত্রী।

অগ্নে মৃল মহাঁ অসি য ঈমা দেবয়ুং জনম্ । ইয়েথ বর্হিরাসদম্ ॥১॥

9.2

স মানুষীষু দূলভো বিক্ষু প্রাবীরমর্ত্যঃ । দূতো বিশ্বেষাং ভুবৎ ॥২॥

9.3

স সদ্ম পরি ণীয়তে হোতা মন্দ্রো দিবিষ্টিষু । উত পোতা নি ষীদতি ॥৩॥

9.4

উত গ্না অগ্নিরধ্বর উতো গৃহপতির্দমে । উত ব্রহ্মা নি ষীদতি ॥৪॥

9.5

বেষি হ্যধ্বরীয়তামুপবক্তা জনানাম্ । হব্যা চ মানুষাণাম্ ॥৫॥

9.6

বেষীদ্বস্য দূত্যং১ যস্য জুজোষো অধ্বরম্ । হব্যং মর্তস্য বোলহবে ॥৬॥

9.7

অস্মাকং জোষ্যধ্বরমস্মাকং যজ্ঞমঙ্গিরঃ । অস্মাকং শৃণুধী হবম্ ॥৭॥

9.8

পরি তে দূলভো রথোঽস্মাঁ অশ্নোতু বিশ্বতঃ । যেন রক্ষসি দাশুষঃ ॥৮॥