সূক্ত 8

8.1

৮ বামদেবো গৌতমঃ। অগ্নিঃ।গায়ত্রী।

দূতং বো বিশ্ববেদসং হব্যবাহমমর্ত্যম্ । যজিষ্ঠমৃঞ্জসে গিরা ॥১॥

স হি বেদা বসুধিতিং মহাঁ আরোধনং দিবঃ । স দেবাঁ এহ বক্ষতি ॥২॥

স বেদ দেব আনমং দেবাঁ ঋতায়তে দমে । দাতি প্রিয়াণি চিদ্ বসু ॥৩॥

স হোতা সেদু দূত্যং চিকিত্বাঁ অন্তরীয়তে । বিদ্বাঁ আরোধনং দিবঃ ॥৪॥

তে স্যাম যে অগ্নয়ে দদাশুর্হব্যদাতিভিঃ । য ঈং পুষ্যন্ত ইন্ধতে ॥৫॥

তে রায়া তে সুবীর্যৈঃ সসবাংসো বি শৃণ্বিরে । যে অগ্না দধিরে দুবঃ ॥৬॥

অস্মে রায়ো দিবেদিবে সং চরন্তু পুরুস্পৃহঃ । অস্মে বাজাস ঈরতাম্ ॥৭॥

স বিপ্রশ্চর্ষণীনাং শবসা মানুষাণাম্ । অতি ক্ষিপ্রেব বিধ্যতি ॥৮॥