Sukta 8

8.1

8 vamadevo gautamah, agnih, gayatri

दू॒तं वो॑ वि॒श्ववे॑दसं हव्य॒वाह॒मम॑र्त्यम् । यजि॑ष्ठमृञ्जसे गि॒रा ॥१॥

Dutam vo vishvavedasam havyavahamamartyam, yajishthamrinjase gira

स हि वेदा॒ वसु॑धितिं म॒हाँ आ॒रोध॑नं दि॒वः । स दे॒वाँ एह व॑क्षति ॥२॥

Sa hi veda vasudhitim maham arodhanam divah, sa devam eha vakshati

स वे॑द दे॒व आ॒नमं॑ दे॒वाँ ऋ॑ताय॒ते दमे॑ । दाति॑ प्रि॒याणि॑ चि॒द् वसु॑ ॥३॥

Sa veda deva anamam devam ritayate dame, dati priyani chid vasu

स होता॒ सेदु॑ दू॒त्यं॑ चिकि॒त्वाँ अ॒न्तरी॑यते । वि॒द्वाँ आ॒रोध॑नं दि॒वः ॥४॥

Sa hota sedu dutyam chikitvam antariyate, vidvam arodhanam divah

ते स्या॑म॒ ये अ॒ग्नये॑ ददा॒शुर्ह॒व्यदा॑तिभिः । य ईं॒ पुष्य॑न्त इन्ध॒ते ॥५॥

Te syama ye agnaye dadashurhavyadatibhih, ya im pushyanta indhate

ते रा॒या ते सु॒वीर्यै॑ः सस॒वांसो॒ वि शृ॑ण्विरे । ये अ॒ग्ना द॑धि॒रे दुव॑ः ॥६॥

Te raya te suviryaih sasavanso vi shrinvire, ye agna dadhire duvah

अ॒स्मे रायो॑ दि॒वेदि॑वे॒ सं च॑रन्तु पुरु॒स्पृह॑ः । अ॒स्मे वाजा॑स ईरताम् ॥७॥

Asme rayo divedive sam charantu purusprihah, asme vajasa iratam

स विप्र॑श्चर्षणी॒नां शव॑सा॒ मानु॑षाणाम् । अति॑ क्षि॒प्रेव॑ विध्यति ॥८॥

Sa viprashcharshaninam shavasa manushanam, ati kshipreva vidhyati