Sukta 9

9.1

8 vamadevo gautamah, agnih, gayatri

अग्ने॑ मृ॒ळ म॒हाँ अ॑सि॒ य ई॒मा दे॑व॒युं जन॑म् । इ॒येथ॑ ब॒र्हिरा॒सद॑म् ॥१॥

Agne mrila maham asi ya ima devayum janam, iyetha barhirasadam

स मानु॑षीषु दू॒ळभो॑ वि॒क्षु प्रा॒वीरम॑र्त्यः । दू॒तो विश्वे॑षां भुवत् ॥२॥

Sa manushishu dulabho vikshu praviramartyah, duto vishvesham bhuvat

स सद्म॒ परि॑ णीयते॒ होता॑ म॒न्द्रो दिवि॑ष्टिषु । उ॒त पोता॒ नि षी॑दति ॥३॥

Sa sadma pari niyate hota mandro divishtishu, uta pota ni shidati

उ॒त ग्ना अ॒ग्निर॑ध्व॒र उ॒तो गृ॒हप॑ति॒र्दमे॑ । उ॒त ब्र॒ह्मा नि षी॑दति ॥४॥

Uta gna agniradhvara uto grihapatirdame, uta brahma ni shidati

वेषि॒ ह्य॑ध्वरीय॒तामु॑पव॒क्ता जना॑नाम् । ह॒व्या च॒ मानु॑षाणाम् ॥५॥

Veshi hyadhvariyatamupavakta jananam, havya cha manushanam

वेषीद्व॑स्य दू॒त्यं१ यस्य॒ जुजो॑षो अध्व॒रम् । ह॒व्यं मर्त॑स्य॒ वोळह॑वे ॥६॥

Veshidvasya dutyan1 yasya jujosho adhvaram, havyam martasya volahave

अ॒स्माकं॑ जोष्यध्व॒रम॒स्माकं॑ य॒ज्ञम॑ङ्गिरः । अ॒स्माकं॑ शृणुधी॒ हव॑म् ॥७॥

Asmakam joshyadhvaramasmakam yagyamangirah, asmakam shrinudhi havam

परि॑ ते दू॒ळभो॒ रथो॒ऽस्माँ अ॑श्नोतु वि॒श्वत॑ः । येन॒ रक्ष॑सि दा॒शुष॑ः ॥८॥

Pari te dulabho rathosmam ashnotu vishvatah, yena rakshasi dashushah