সূক্ত 7

7.1

১৫ বামদেবো গৌতমঃ। অগ্নিঃ।ত্রিষ্টুপ্, ১ জগতী, ২-৬ অনুষ্টুপ্।

অয়মিহ প্রথমো ধায়ি ধাতৃভির্হোতা যজিষ্ঠো অধ্বরেষ্বীড্যঃ ।
যমপ্নবানো ভৃগবো বিরুরুচুর্বনেষু চিত্রং বিভ্বং বিশেবিশে ॥১॥

অগ্নে কদা ত আনুষগ্ ভুবদ্ দেবস্য চেতনম্ ।
অধা হি ত্বা জগৃভ্রিরে মর্তাসো বিক্ষ্বীড্যম্ ॥২॥

ঋতাবানং বিচেতসং পশ্যন্তো দ্যামিব স্তৃভিঃ ।
বিশ্বেষামধ্বরাণাং হস্কর্তারং দমেদমে ॥৩॥

আশুং দূতং বিবস্বতো বিশ্বা যশ্চর্ষণীরভি ।
আ জভ্রুঃ কেতুমায়বো ভৃগবাণং বিশেবিশে ॥৪॥

তমীং হোতারমানুষক্ চিকিত্বাংসং নি ষেদিরে ।
রণ্বং পাবকশোচিষং যজিষ্ঠং সপ্ত ধামভিঃ ॥৫॥

তং শশ্বতীষু মাতৃষু বন আ বীতমশ্রিতম্ ।
চিত্রং সন্তং গুহা হিতং সুবেদং কূচিদর্থিনম্ ॥৬॥

সসস্য যদ্ বিয়ুতা সস্মিন্নূধন্নৃতস্য ধামন্ রণয়ন্ত দেবাঃ ।
মহাঁ অগ্নির্নমসা রাতহব্যো বেরধ্বরায় সদমিদৃতাবা ॥৭॥

বেরধ্বরস্য দূত্যানি বিদ্বানুভে অন্তা রোদসী সংচিকিত্বান্ ।
দূত ঈয়সে প্রদিব উরাণো বিদুষ্টরো দিব আরোধনানি ॥৮॥

কৃষ্ণং ত এম রুশতঃ পুরো ভাশ্চরিষ্ণ্ব১র্চির্বপুষামিদেকম্ ।
যদপ্রবীতা দধতে হ গর্ভং সদ্যশ্চিজ্জাতো ভবসীদু দূতঃ ॥৯॥

সদ্যো জাতস্য দদৃশানমোজো যদস্য বাতো অনুবাতি শোচিঃ ।
বৃণক্তি তিগ্মামতসেষু জিহ্বাং স্থিরা চিদন্না দয়তে বি জম্ভৈঃ ॥১০॥

তৃষু যদন্না তৃষুণা ববক্ষ তৃষুং দূতং কৃণুতে যহ্বো অগ্নিঃ ।
বাতস্য মেলিং সচতে নিজূর্বন্নাশুং ন বাজয়তে হিন্বে অর্বা ॥১১॥