সূক্ত 6

6.1

১১ বামদেবো গৌতমঃ। অগ্নিঃ।ত্রিষ্টুপ্।

ঊর্ধ্ব ঊ ষু ণো অধ্বরস্য হোতরগ্নে তিষ্ঠ দেবতাতা যজীয়ান্ ।
ত্বং হি বিশ্বমভ্যসি মন্ম প্র বেধসশ্চিৎ তিরসি মনীষাম্ ॥১॥

6.2

অমূরো হোতা ন্যসাদি বিক্ষ্ব১গ্নির্মন্দ্রো বিদথেষু প্রচেতাঃ ।
ঊর্ধ্বং ভানুং সবিতেবাশ্রেন্মেতেব ধূমং স্তভায়দুপ দ্যাম্ ॥২॥

6.3

যতা সুজূর্ণী রাতিনী ঘৃতাচী প্রদক্ষিণিদ্ দেবতাতিমুরাণঃ ।
উদু স্বরুর্নবজা নাক্রঃ পশ্বো অনক্তি সুধিতঃ সুমেকঃ ॥৩॥

6.4

স্তীর্ণে বর্হিষি সমিধানে অগ্না ঊর্ধ্বো অধ্বর্যুর্জুজুষাণো অস্থাৎ ।
পর্যগ্নিঃ পশুপা ন হোতা ত্রিবিষ্ট্যেতি প্রদিব উরাণঃ ॥৪॥

6.5

পরি ত্মনা মিতদ্রুরেতি হোতা ঽগ্নির্মন্দ্রো মধুবচা ঋতাবা ।
দ্রবন্ত্যস্য বাজিনো ন শোকা ভয়ন্তে বিশ্বা ভুবনা যদভ্রাট্ ॥৫॥

6.6

ভদ্রা তে অগ্নে স্বনীক সংদৃগ্ঘোরস্য সতো বিষুণস্য চারুঃ ।
ন যত্তে শোচিস্তমসা বরন্ত ন ধ্বস্মানস্তন্বী৩ রেপ আ ধুঃ ॥৬॥

6.7

ন যস্য সাতুর্জনিতোরবারি ন মাতরাপিতরা নূ চিদিষ্টৌ ।
অধা মিত্রো ন সুধিতঃ পাবকো৩ঽগ্নির্দীদায় মানুষীষু বিক্ষু ॥৭॥

6.8

দ্বির্যং পঞ্চ জীজনন্ ত্সংবসানাঃ স্বসারো অগ্নিং মানুষীষু বিক্ষু ।
উষর্বুধমথর্যো৩ ন দন্তং শুক্রং স্বাসং পরশুং ন তিগ্মম্ ॥৮॥

6.9

তব ত্যে অগ্নে হরিতো ঘৃতস্না রোহিতাস ঋজ্বঞ্চঃ স্বঞ্চঃ ।
অরুষাসো বৃষণ ঋজুমুষ্কা আ দেবতাতিমহ্বন্ত দস্মাঃ ॥৯॥

6.10

যে হ ত্যে তে সহমানা অয়াসস্ত্বেষাসো অগ্নে অর্চয়শ্চরন্তি ।
শ্যেনাসো ন দুবসনাসো অর্থং তুবিষ্বণসো মারুতং ন শর্ধঃ ॥১০॥

6.11

অকারি ব্রহ্ম সমিধান তুভ্যং শংসাত্যুক্থং যজতে ব্যূ ধাঃ ।
হোতারমগ্নিং মনুষো নি ষেদুর্নমস্যন্ত উশিজঃ শংসমায়োঃ ॥১১॥