সূক্ত 10

10.1

৮ বামদেবো গৌতমঃ। অগ্নিঃ। পাদপংক্তিঃ, ৪, ৬, ৭, উষ্ণিগ্বা, ৫ মহাপদপংক্তিঃ, ৮ ত্রিষ্টুপ্।

অগ্নে তমদ্যাঽশ্বং ন স্তোমৈঃ ক্রতুং ন ভদ্রং হৃদিস্পৃশম্ । ঋধ্যামা ত ওহৈঃ ॥১॥

10.2

অধা হ্যগ্নে ক্রতোর্ভদ্রস্য দক্ষস্য সাধোঃ । রথীর্ঋতস্য বৃহতো বভূথ ॥২॥

10.3

এভির্নো অর্কৈর্ভবা নো অর্বাঙ্স্ব১র্ণ জ্যোতিঃ । অগ্নে বিশ্বেভিঃ সুমনা অনীকৈঃ ॥৩॥

10.4

আভিষ্টে অদ্য গীর্ভির্গৃণন্তোঽগ্নে দাশেম । প্র তে দিবো ন স্তনয়ন্তি শুষ্মাঃ ॥৪॥

10.5

তব স্বাদিষ্ঠা ঽগ্নে সংদৃষ্টিরিদা চিদহ্ন ইদা চিদক্তোঃ । শ্রিয়ে রুক্মো ন রোচত উপাকে ॥৫॥

10.6

ঘৃতং ন পূতং তনূররেপাঃ শুচি হিরণ্যম্ । তৎ তে রুক্মো ন রোচত স্বধাবঃ ॥৬॥

10.7

কৃতং চিদ্ধি ষ্মা সনেমি দ্বেষোঽগ্ন ইনোষি মর্তাৎ । ইত্থা যজমানাদৃতাবঃ ॥৭॥

10.8

শিবা নঃ সখ্যা সন্তু ভ্রাত্রা ঽগ্নে দেবেষু যুষ্মে । সা নো নাভিঃ সদনে সস্মিন্নূধন্ ॥৮॥