সূক্ত 11

11.1

৬ বামদেবো গৌতমঃ। অগ্নিঃ।ত্রিষ্টুপ্।

ভদ্রং তে অগ্নে সহসিন্ননীকমুপাক আ রোচতে সূর্যস্য ।
রুশদ্ দৃশে দদৃশে নক্তয়া চিদরূক্ষিতং দৃশ আ রূপে অন্নম্ ॥১॥

11.2

বি ষাহ্যগ্নে গৃণতে মনীষাং খং বেপসা তুবিজাত স্তবানঃ ।
বিশ্বেভির্যদ্ বাবনঃ শুক্র দেবৈস্তন্নো রাস্ব সুমহো ভূরি মন্ম ॥২॥

11.3

ত্বদগ্নে কাব্যা ত্বন্মনীষাস্ত্বদুক্থা জায়ন্তে রাধ্যানি ।
ত্বদেতি দ্রবিণং বীরপেশা ইত্থাধিয়ে দাশুষে মর্ত্যায় ॥৩॥

11.4

ত্বদ্ বাজী বাজম্ভরো বিহায়া অভিষ্টিকৃজ্জায়তে সত্যশুষ্মঃ ।
ত্বদ্ রয়ির্দেবজূতো ময়োভুস্ত্বদাশুর্জূজুবাঁ অগ্নে অর্বা ॥৪॥

11.5

ত্বামগ্নে প্রথমং দেবয়ন্তো দেবং মর্তা অমৃত মন্দ্রজিহ্বম্ ।
দ্বেষোয়ুতমা বিবাসন্তি ধীভির্দমূনসং গৃহপতিমমূরম্ ॥৫॥

11.6

আরে অস্মদমতিমারে অংহ আরে বিশ্বাং দুর্মতিং যন্নিপাসি ।
দোষা শিবঃ সহসঃ সূনো অগ্নে যং দেব আ চিৎ সচসে স্বস্তি ॥৬॥