সূক্ত 12

12.1

৬ বামদেবো গৌতমঃ। অগ্নিঃ।ত্রিষ্টুপ্।

যস্ত্বামগ্ন ইনধতে যতস্রুক্ ত্রিস্তে অন্নং কৃণবৎ সস্মিন্নহন্ ।
স সু দ্যুম্নৈরভ্যস্তু প্রসক্ষৎ তব ক্রত্বা জাতবেদশ্চিকিত্বান্ ॥১॥

12.2

ইধ্মং যস্তে জভরচ্ছশ্রমাণো মহো অগ্নে অনীকমা সপর্যন্ ।
স ইধানঃ প্রতি দোষামুষাসং পুষ্যন্ রয়িং সচতে ঘ্নন্নমিত্রান্ ॥২॥

12.3

অগ্নিরীশে বৃহতঃ ক্ষত্রিয়স্যাঽগ্নির্বাজস্য পরমস্য রায়ঃ ।
দধাতি রত্নং বিধতে যবিষ্ঠো ব্যানুষঙ্মর্ত্যায় স্বধাবান্ ॥৩॥

12.4

যচ্চিদ্ধি তে পুরুষত্রা যবিষ্ঠাচিত্তিভিশ্চকৃমা কচ্চিদাগঃ ।
কৃধী ষ্ব১স্মাঁ অদিতেরনাগান্ ব্যেনাংসি শিশ্রথো বিষ্বগগ্নে ॥৪॥

12.5

মহশ্চিদগ্ন এনসো অভীক ঊর্বাদ্ দেবানামুত মর্ত্যানাম্ ।
মা তে সখায়ঃ সদমিদ্ রিষাম যচ্ছা তোকায় তনয়ায় শং যোঃ ॥৫॥

12.6

যথা হ ত্যদ্ বসবো গৌর্যং চিৎ পদি ষিতামমুঞ্চতা যজত্রাঃ ।
এবো ষ্ব১স্মন্মুঞ্চতা ব্যংহঃ প্র তার্যগ্নে প্রতরং ন আয়ুঃ ॥৬॥