সূক্ত 13

13.1

৫ বামদেবো গৌতমঃ। অগ্নিঃ(লিঙ্গোক্তদেবতা ইতি একে)।ত্রিষ্টুপ্।

প্রত্যগ্নিরুষসামগ্রমখ্যদ্ বিভাতীনাং সুমনা রত্নধেয়ম্ ।
যাতমশ্বিনা সুকৃতো দুরোণমুত্সূর্যো জ্যোতিষা দেব এতি ॥১॥

ঊর্ধ্বং ভানুং সবিতা দেবো অশ্রেদ্ দ্রপ্সং দবিধ্বদ্ গবিষো ন সত্বা ।
অনু ব্রতং বরুণো যন্তি মিত্রো যত্সূর্যং দিব্যারোহয়ন্তি ॥২॥

যং সীমকৃণ্বন্ তমসে বিপৃচে ধ্রুবক্ষেমা অনবস্যন্তো অর্থম্ ।
তং সূর্যং হরিতঃ সপ্ত যহ্বীঃ স্পশং বিশ্বস্য জগতো বহন্তি ॥৩॥

বহিষ্ঠেভির্বিহরন্যাসি তন্তুমবব্যয়ন্নসিতং দেব বস্ম ।
দবিধ্বতো রশ্ময়ঃ সূর্যস্য চর্মেবাবাধুস্তমো অপ্স্ব১ন্তঃ ॥৪॥

অনায়তো অনিবদ্ধঃ কথায়ং ন্যঙ্ঙুত্তানোঽব পদ্যতে ন ।
কয়া যাতি স্বধয়া কো দদর্শ দিবঃ স্কম্ভঃ সমৃতঃ পাতি নাকম্ ॥৫॥