সূক্ত 14

14.1

৫ বামদেবো গৌতমঃ। অগ্নিঃ(লিঙ্গোক্তদেবতা ইতি একে)।ত্রিষ্টুপ্।

প্রত্যগ্নিরুষসো জাতবেদা অখ্যদ্ দেবো রোচমানা মহোভিঃ ।
আ নাসত্যোরুগায়া রথেনেমং যজ্ঞমুপ নো যাতমচ্ছ ॥১॥

14.2

ঊর্ধ্বং কেতুং সবিতা দেবো অশ্রেজ্জ্যোতির্বিশ্বস্মৈ ভুবনায় কৃণ্বন্ ।
আপ্রা দ্যাবাপৃথিবী অন্তরিক্ষং বি সূর্যো রশ্মিভিশ্চেকিতানঃ ॥২॥

14.3

আবহন্ত্যরুণীর্জ্যোতিষাগান্মহী চিত্রা রশ্মিভিশ্চেকিতানা ।
প্রবোধয়ন্তী সুবিতায় দেব্যু১ষা ঈয়তে সুয়ুজা রথেন ॥৩॥

14.4

আ বাং বহিষ্ঠা ইহ তে বহন্তু রথা অশ্বাস উষসো ব্যুষ্টৌ ।
ইমে হি বাং মধুপেয়ায় সোমা অস্মিন্ যজ্ঞে বৃষণা মাদয়েথাম্ ॥৪॥

14.5

অনায়তো অনিবদ্ধঃ কথায়ং ন্যঙ্ঙুত্তানোঽব পদ্যতে ন ।
কয়া যাতি স্বধয়া কো দদর্শ দিবঃ স্কম্ভঃ সমৃতঃ পাতি নাকম্ ॥৫॥