সূক্ত 56

56.1

৭ বামদেবো গৌতমঃ। দ্যাবাপৃথিবী।ত্রিষ্টুপ্, ৫-৭ গায়ত্রী।

মহী দ্যাবাপৃথিবী ইহ জ্যেষ্ঠে রুচা ভবতাং শুচয়দ্ভিরর্কৈঃ ।
যৎ সীং বরিষ্ঠে বৃহতী বিমিন্বন্ রুবদ্ধোক্ষা পপ্রথানেভিরেবৈঃ ॥১॥

56.2

দেবী দেবেভির্যজতে যজত্রৈরমিনতী তস্থতুরুক্ষমাণে ।
ঋতাবরী অদ্রুহা দেবপুত্রে যজ্ঞস্য নেত্রী শুচয়দ্ভিরর্কৈঃ ॥২॥

56.3

স ইৎ স্বপা ভুবনেষ্বাস য ইমে দ্যাবাপৃথিবী জজান ।
উর্বী গভীরে রজসী সুমেকে অবংশে ধীরঃ শচ্যা সমৈরৎ ॥৩॥

56.4

নূ রোদসী বৃহদ্ভির্নো বরূথৈঃ পত্নীবদ্ভিরিষয়ন্তী সজোষাঃ ।
উরূচী বিশ্বে যজতে নি পাতং ধিয়া স্যাম রথ্যঃ সদাসাঃ ॥৪॥

56.5

প্র বাং মহি দ্যবী অভ্যুপস্তুতিং ভরামহে । শুচী উপ প্রশস্তয়ে ॥৫॥

56.6

পুনানে তন্বা মিথঃ স্বেন দক্ষেণ রাজথঃ । ঊহ্যাথে সনাদৃতম্ ॥৬॥

56.7

মহী মিত্রস্য সাধথস্তরন্তী পিপ্রতী ঋতম্ । পরি যজ্ঞং নি ষেদথুঃ ॥৭॥