সূক্ত 57

57.1

৮ বামদেবো গৌতমঃ। ১-৩ ক্ষেত্রপতিঃ, ৪ শুনঃ, ৫, ৮ শুনাসীরৌ, ৬-৭ সীতা। অনুষ্টুপ্, ৫ পুর উষ্ণিক্, ২, ৩, ৮ ত্রিষ্টুপ্।

ক্ষেত্রস্য পতিনা বয়ং হিতেনেব জয়ামসি ।
গামশ্বং পোষয়িত্ন্বা স নো মৃলাতীদৃশে ॥১॥

57.2

ক্ষেত্রস্য পতে মধুমন্তমূর্মিং ধেনুরিব পয়ো অস্মাসু ধুক্ষ্ব ।
মধুশ্চুতং ঘৃতমিব সুপূতমৃতস্য নঃ পতয়ো মৃলয়ন্তু ॥২॥

57.3

মধুমতীরোষধীর্দ্যাব আপো মধুমন্নো ভবত্বন্তরিক্ষম্ ।
ক্ষেত্রস্য পতির্মধুমান্ নো অস্ত্বরিষ্যন্তো অন্বেনং চরেম ॥৩॥

57.4

শুনং বাহাঃ শুনং নরঃ শুনং কৃষতু লাঙ্গলম্ ।
শুনং বরত্রা বধ্যন্তাং শুনমষ্ট্রামুদিঙ্গয় ॥৪॥

57.5

শুনাসীরাবিমাং বাচং জুষেথাং যদ্ দিবি চক্রথুঃ পয়ঃ । তেনেমামুপ সিঞ্চতম্ ॥৫॥

57.6

অর্বাচী সুভগে ভব সীতে বন্দামহে ত্বা । যথা নঃ সুভগাসসি যথা নঃ সুফলাসসি ॥৬॥

57.7

ইন্দ্রঃ সীতাং নি গৃহ্ণাতু তাং পূষানু যচ্ছতু । সা নঃ পয়স্বতী দুহামুত্তরামুত্তরাং সমাম্ ॥৭॥

57.8

শুনং নঃ ফালা বি কৃষন্তু ভূমিং শুনং কীনাশা অভি যন্তু বাহৈঃ ।
শুনং পর্জন্যো মধুনা পয়োভিঃ শুনাসীরা শুনমস্মাসু ধত্তম্ ॥৮॥