সূক্ত 45

45.1

৭ বামদেবো গৌতমঃ। অশ্বিনৌ। জগতী, ৭ ত্রিষ্টুপ্ ।

এষ স্য ভানুরুদিয়র্তি যুজ্যতে রথঃ পরিজ্মা দিবো অস্য সানবি ।
পৃক্ষাসো অস্মিন্ মিথুনা অধি ত্রয়ো দৃতিস্তুরীয়ো মধুনো বি রপ্শতে ॥১॥

45.2

উদ্ বাং পৃক্ষাসো মধুমন্ত ঈরতে রথা অশ্বাস উষসো ব্যুষ্টিষু ।
অপোর্ণুবন্তস্তম আ পরীবৃতং স্ব১র্ণ শুক্রং তন্বন্ত আ রজঃ ॥২॥

45.3

মধ্বঃ পিবতং মধুপেভিরাসভিরুত প্রিয়ং মধুনে যুঞ্জাথাং রথম্ ।
আ বর্তনিং মধুনা জিন্বথস্পথো দৃতিং বহেথে মধুমন্তমশ্বিনা ॥৩॥

45.4

হংসাসো যে বাং মধুমন্তো অস্রিধো হিরণ্যপর্ণা উহুব উষর্বুধঃ ।
উদপ্রুতো মন্দিনো মন্দিনিস্পৃশো মধ্বো ন মক্ষঃ সবনানি গচ্ছথঃ ॥৪॥

45.5

স্বধ্বরাসো মধুমন্তো অগ্নয় উস্রা জরন্তে প্রতি বস্তোরশ্বিনা ।
যন্নিক্তহস্তস্তরণির্বিচক্ষণঃ সোমং সুষাব মধুমন্তমদ্রিভিঃ ॥৫॥

45.6

আকেনিপাসো অহভির্দবিধ্বতঃ স্ব১র্ণ শুক্রং তন্বন্ত আ রজঃ ।
সূরশ্চিদশ্বান্ যুয়ুজান ঈয়তে বিশ্বাঁ অনু স্বধয়া চেতথস্পথঃ ॥৬॥

45.7

প্র বামবোচমশ্বিনা ধিয়ংধা রথঃ স্বশ্বো অজরো যো অস্তি ।
যেন সদ্যঃ পরি রজাংসি যাথো হবিষ্মন্তং তরণিং ভোজমচ্ছ ॥৭॥