সূক্ত 46

46.1

৭ বামদেবো গৌতমঃ। ইন্দ্রবায়ূ, ১ বায়ুঃ। গায়ত্রী।

অগ্রং পিবা মধূনাং সুতং বায়ো দিবিষ্টিষু । ত্বং হি পূর্বপা অসি ॥১॥

46.2

শতেনা নো অভিষ্টিভির্নিয়ুত্বাঁ ইন্দ্রসারথিঃ । বায়ো সুতস্য তৃম্পতম্ ॥২॥

46.3

আ বাং সহস্রং হরয় ইন্দ্রবায়ূ অভি প্রয়ঃ । বহন্তু সোমপীতয়ে ॥৩॥

46.4

রথং হিরণ্যবন্ধুরমিন্দ্রবায়ূ স্বধ্বরম্ । আ হি স্থাথো দিবিস্পৃশম্ ॥৪॥

46.5

রথেন পৃথুপাজসা দাশ্বাংসমুপ গচ্ছতম্ । ইন্দ্রবায়ূ ইহা গতম্ ॥৫॥

46.6

ইন্দ্রবায়ূ অয়ং সুতস্তং দেবেভিঃ সজোষসা । পিবতং দাশুষো গৃহে ॥৬॥

46.7

ইহ প্রয়াণমস্তু বামিন্দ্রবায়ূ বিমোচনম্ । ইহ বাং সোমপীতয়ে ॥৭॥