Sukta 46

46.1

7 vamadevo gautamah, indravayu, 1 vayuh, gayatri

अग्रं॑ पिबा॒ मधू॑नां सु॒तं वा॑यो॒ दिवि॑ष्टिषु । त्वं हि पू॑र्व॒पा असि॑ ॥१॥

Agram piba madhunam sutam vayo divishtishu, tvam hi purvapa asi

श॒तेना॑ नो अ॒भिष्टि॑भिर्नि॒युत्वाँ॒ इन्द्र॑सारथिः । वायो॑ सु॒तस्य॑ तृम्पतम् ॥२॥

Shatena no abhishtibhirniyutvam indrasarathih, vayo sutasya trimpatam

आ वां॑ स॒हस्रं॒ हर॑य॒ इन्द्र॑वायू अ॒भि प्रय॑ः । वह॑न्तु॒ सोम॑पीतये ॥३॥

A vam sahasram haraya indravayu abhi prayah, vahantu somapitaye

रथं॒ हिर॑ण्यवन्धुर॒मिन्द्र॑वायू स्वध्व॒रम् । आ हि स्थाथो॑ दिवि॒स्पृश॑म् ॥४॥

Ratham hiranyavandhuramindravayu svadhvaram, a hi sthatho divisprisham

रथे॑न पृथु॒पाज॑सा दा॒श्वांस॒मुप॑ गच्छतम् । इन्द्र॑वायू इ॒हा ग॑तम् ॥५॥

Rathena prithupajasa dashvansamupa gachchhatam, indravayu iha gatam

इन्द्र॑वायू अ॒यं सु॒तस्तं दे॒वेभि॑ः स॒जोष॑सा । पिब॑तं दा॒शुषो॑ गृ॒हे ॥६॥

Indravayu ayam sutastam devebhih sajoshasa, pibatam dashusho grihe

इ॒ह प्र॒याण॑मस्तु वा॒मिन्द्र॑वायू वि॒मोच॑नम् । इ॒ह वां॒ सोम॑पीतये ॥७॥

Iha prayanamastu vamindravayu vimochanam, iha vam somapitaye