Sukta 47

47.1

4 vamadevo gautamah, indravayu, 1 vayuh, anushtup

वायो॑ शु॒क्रो अ॑यामि ते॒ मध्वो॒ अग्रं॒ दिवि॑ष्टिषु ।
आ या॑हि॒ सोम॑पीतये स्पा॒र्हो दे॑व नि॒युत्व॑ता ॥१॥

Vayo shukro ayami te madhvo agram divishtishu
A yahi somapitaye sparho deva niyutvata

47.2

इन्द्र॑श्च वायवेषां॒ सोमा॑नां पी॒तिम॑र्हथः ।
यु॒वां हि यन्तीन्द॑वो नि॒म्नमापो॒ न स॒ध्र्य॑क् ॥२॥

Indrashcha vayavesham somanam pitimarhathah
Yuvam hi yantindavo nimnamapo na sadhryak

47.3

वाय॒विन्द्र॑श्च शु॒ष्मिणा॑ स॒रथं॑ शवसस्पती ।
नि॒युत्व॑न्ता न ऊ॒तय॒ आ या॑तं॒ सोम॑पीतये ॥३॥

Vayavindrashcha shushmina saratham shavasaspati
Niyutvanta na utaya a yatam somapitaye

47.4

या वां॒ सन्ति॑ पुरु॒स्पृहो॑ नि॒युतो॑ दा॒शुषे॑ नरा ।
अ॒स्मे ता य॑ज्ञवाह॒सेन्द्र॑वायू॒ नि य॑च्छतम् ॥४॥

Ya vam santi puruspriho niyuto dashushe nara
Asme ta yagyavahasendravayu ni yachchhatam