সূক্ত 44

44.1

৭ পুরুমীলহাজমীলহৌ সৌহোত্রৌ। অশ্বিনৌ। ত্রিষ্টুপ্।

তং বাং রথং বয়মদ্যা হুবেম পৃথুজ্রয়মশ্বিনা সংগতিং গোঃ ।
যঃ সূর্যাং বহতি বন্ধুরায়ুর্গির্বাহসং পুরুতমং বসূয়ুম্ ॥১॥

44.2

যুবং শ্রিয়মশ্বিনা দেবতা তাং দিবো নপাতা বনথঃ শচীভিঃ ।
যুবোর্বপুরভি পৃক্ষঃ সচন্তে বহন্তি যৎ ককুহাসো রথে বাম্ ॥২॥

44.3

কো বামদ্যা করতে রাতহব্য ঊতয়ে বা সুতপেয়ায় বার্কৈঃ ।
ঋতস্য বা বনুষে পূর্ব্যায় নমো যেমানো অশ্বিনা ববর্তৎ ॥৩॥

44.4

হিরণ্যয়েন পুরুভূ রথেনেমং যজ্ঞং নাসত্যোপ যাতম্ ।
পিবাথ ইন্মধুনঃ সোম্যস্য দধথো রত্নং বিধতে জনায় ॥৪॥

44.5

আ নো যাতং দিবো অচ্ছা পৃথিব্যা হিরণ্যয়েন সুবৃতা রথেন ।
মা বামন্যে নি যমন্ দেবয়ন্তঃ সং যদ্ দদে নাভিঃ পূর্ব্যা বাম্ ॥৫॥

44.6

নূ নো রয়িং পুরুবীরং বৃহন্তং দস্রা মিমাথামুভয়েষ্বস্মে ।
নরো যদ্ বামশ্বিনা স্তোমমাবন্ ত্সধস্তুতিমাজমীলহাসো অগ্মন্ ॥৬॥

44.7

ইহেহ যদ্ বাং সমনা পপৃক্ষে সেয়মস্মে সুমতির্বাজরত্না ।
উরুষ্যতং জরিতারং যুবং হ শ্রিতঃ কামো নাসত্যা যুবদ্রিক্ ॥৭॥