সূক্ত 43

43.1

৭ পুরুমীলহাজমীলহৌ সৌহোত্রৌ। অশ্বিনৌ। ত্রিষ্টুপ্।

ক উ শ্রবত্কতমো যজ্ঞিয়ানাং বন্দারু দেবঃ কতমো জুষাতে ।
কস্যেমাং দেবীমমৃতেষু প্রেষ্ঠাং হৃদি শ্রেষাম সুষ্টুতিং সুহব্যাম্ ॥১॥

43.2

কো মৃলাতি কতম আগমিষ্ঠো দেবানামু কতমঃ শম্ভবিষ্ঠঃ ।
রথং কমাহুর্দ্রবদশ্বমাশুং যং সূর্যস্য দুহিতাবৃণীত ॥২॥

43.3

মক্ষূ হি ষ্মা গচ্ছথ ঈবতো দ্যূনিন্দ্রো ন শক্তিং পরিতক্ম্যায়াম্ ।
দিব আজাতা দিব্যা সুপর্ণা কয়া শচীনাং ভবথঃ শচিষ্ঠা ॥৩॥

43.4

কা বাং ভূদুপমাতিঃ কয়া ন আশ্বিনা গমথো হূয়মানা ।
কো বাং মহশ্চিৎ ত্যজসো অভীক উরুষ্যতং মাধ্বী দস্রা ন ঊতী ॥৪॥

43.5

উরু বাং রথঃ পরি নক্ষতি দ্যামা যৎ সমুদ্রাদভি বর্ততে বাম্ ।
মধ্বা মাধ্বী মধু বাং প্রুষায়ন্ যৎ সীং বাং পৃক্ষো ভুরজন্ত পক্বাঃ ॥৫॥

43.6

সিন্ধুর্হ বাং রসয়া সিঞ্চদশ্বান্ ঘৃণা বয়োঽরুষাসঃ পরি গ্মন্ ।
তদূ ষু বামজিরং চেতি যানং যেন পতী ভবথঃ সূর্যায়াঃ ॥৬॥

43.7

ইহেহ যদ্ বাং সমনা পপৃক্ষে সেয়মস্মে সুমতির্বাজরত্না ।
উরুষ্যতং জরিতারং যুবং হ শ্রিতঃ কামো নাসত্যা যুবদ্রিক্ ॥৭॥