সূক্ত 42

42.1

১০ ত্রসদস্যুঃ পৌরুকুত্স্যঃ। ত্রসদস্যুঃ, ৭-১০ ইন্দ্রাবরুণৌ। ত্রিষ্টুপ্।

মম দ্বিতা রাষ্ট্রং ক্ষত্রিয়স্য বিশ্বায়োর্বিশ্বে অমৃতা যথা নঃ ।
ক্রতুং সচন্তে বরুণস্য দেবা রাজামি কৃষ্টেরুপমস্য বব্রেঃ ॥১॥

42.2

অহং রাজা বরুণো মহ্যং তান্যসুর্যাণি প্রথমা ধারয়ন্ত ।
ক্রতুং সচন্তে বরুণস্য দেবা রাজামি কৃষ্টেরুপমস্য বব্রেঃ ॥২॥

42.3

অহমিন্দ্রো বরুণস্তে মহিত্বোর্বী গভীরে রজসী সুমেকে ।
ত্বষ্টেব বিশ্বা ভুবনানি বিদ্বান্ ত্সমৈরয়ং রোদসী ধারয়ং চ ॥৩॥

42.4

অহমপো অপিন্বমুক্ষমাণা ধারয়ং দিবং সদন ঋতস্য ।
ঋতেন পুত্রো অদিতের্ঋতাবোত ত্রিধাতু প্রথয়দ্বি ভূম ॥৪॥

42.5

মাং নরঃ স্বশ্বা বাজয়ন্তো মাং বৃতাঃ সমরণে হবন্তে ।
কৃণোম্যাজিং মঘবাহমিন্দ্র ইয়র্মি রেণুমভিভূত্যোজাঃ ॥৫॥

42.6

অহং তা বিশ্বা চকরং নকির্মা দৈব্যং সহো বরতে অপ্রতীতম্ ।
যন্মা সোমাসো মমদন্যদুক্থোভে ভয়েতে রজসী অপারে ॥৬॥

42.7

বিদুষ্টে বিশ্বা ভুবনানি তস্য তা প্র ব্রবীষি বরুণায় বেধঃ ।
ত্বং বৃত্রাণি শৃণ্বিষে জঘন্বান্ ত্বং বৃতাঁ অরিণা ইন্দ্র সিন্ধূন্ ॥৭॥

42.8

অস্মাকমত্র পিতরস্ত আসন্ ত্সপ্ত ঋষয়ো দৌর্গহে বধ্যমানে ।
ত আয়জন্ত ত্রসদস্যুমস্যা ইন্দ্রং ন বৃত্রতুরমর্ধদেবম্ ॥৮॥

42.9

পুরুকুত্সানী হি বামদাশদ্ধব্যেভিরিন্দ্রাবরুণা নমোভিঃ ।
অথা রাজানং ত্রসদস্যুমস্যা বৃত্রহণং দদথুরর্ধদেবম্ ॥৯॥

42.10

রায়া বয়ং সসবাংসো মদেম হব্যেন দেবা যবসেন গাবঃ ।
তাং ধেনুমিন্দ্রাবরুণা যুবং নো বিশ্বাহা ধত্তমনপস্ফুরন্তীম্ ॥১০॥