সূক্ত 37

37.1

৮ বামদেবো গৌতমঃ। ঋভবঃ। ত্রিষ্টুপ্, ৫-৮ অনুষ্টুপ্।

উপ নো বাজা অধ্বরমৃভুক্ষা দেবা যাত পথিভির্দেবয়ানৈঃ ।
যথা যজ্ঞং মনুষো বিক্ষ্বা৩সু দধিধ্বে রণ্বাঃ সুদিনেষ্বহ্নাম্ ॥১॥

37.2

তে বো হৃদে মনসে সন্তু যজ্ঞা জুষ্টাসো অদ্য ঘৃতনির্ণিজো গুঃ ।
প্র বঃ সুতাসো হরয়ন্ত পূর্ণাঃ ক্রত্বে দক্ষায় হর্ষয়ন্ত পীতাঃ ॥২॥

37.3

ত্র্যুদায়ং দেবহিতং যথা বঃ স্তোমো বাজা ঋভুক্ষণো দদে বঃ ।
জুহ্বে মনুষ্বদুপরাসু বিক্ষু যুষ্মে সচা বৃহদ্দিবেষু সোমম্ ॥৩॥

37.4

পীবোঅশ্বাঃ শুচদ্রথা হি ভূতাঽয়ঃশিপ্রা বাজিনঃ সুনিষ্কাঃ ।
ইন্দ্রস্য সূনো শবসো নপাতোঽনু বশ্চেত্যগ্রিয়ং মদায় ॥৪॥

37.5

ঋভুমৃভুক্ষণো রয়িং বাজে বাজিন্তমং যুজম্ ।
ইন্দ্রস্বন্তং হবামহে সদাসাতমমশ্বিনম্ ॥৫॥

37.6

সেদৃভবো যমবথ যূয়মিন্দ্রশ্চ মর্ত্যম্ ।
স ধীভিরস্তু সনিতা মেধসাতা সো অর্বতা ॥৬॥

37.7

বি নো বাজা ঋভুক্ষণঃ পথশ্চিতন যষ্টবে ।
অস্মভ্যং সূরয়ঃ স্তুতা বিশ্বা আশাস্তরীষণি ॥৭॥

37.8

তং নো বাজা ঋভুক্ষণ ইন্দ্র নাসত্যা রয়িম্ ।
সমশ্বং চর্ষণিভ্য আ পুরু শস্ত মঘত্তয়ে ॥৮॥