সূক্ত 35

35.1

৯ বামদেবো গৌতমঃ। ঋভবঃ। ত্রিষ্টুপ্।

ইহোপ যাত শবসো নপাতঃ সৌধন্বনা ঋভবো মাপ ভূত ।
অস্মিন্ হি বঃ সবনে রত্নধেয়ং গমন্ত্বিন্দ্রমনু বো মদাসঃ ॥১॥

আগন্নৃভূণামিহ রত্নধেয়মভূৎ সোমস্য সুষুতস্য পীতিঃ ।
সুকৃত্যয়া যৎ স্বপস্যয়া চঁ একং বিচক্র চমসং চতুর্ধা ॥২॥

ব্যকৃণোত চমসং চতুর্ধা সখে বি শিক্ষেত্যব্রবীত ।
অথৈত বাজা অমৃতস্য পন্থাং গণং দেবানামৃভবঃ সুহস্তাঃ ॥৩॥

কিময়ঃ স্বিচ্চমস এষ আস যং কাব্যেন চতুরো বিচক্র ।
অথা সুনুধ্বং সবনং মদায় পাত ঋভবো মধুনঃ সোম্যস্য ॥৪॥

শচ্যাকর্ত পিতরা যুবানা শচ্যাকর্ত চমসং দেবপানম্ ।
শচ্যা হরী ধনুতরাবতষ্টেন্দ্রবাহাবৃভবো বাজরত্নাঃ ॥৫॥

যো বঃ সুনোত্যভিপিত্বে অহ্নাং তীব্রং বাজাসঃ সবনং মদায় ।
তস্মৈ রয়িমৃভবঃ সর্ববীরমা তক্ষত বৃষণো মন্দসানাঃ ॥৬॥

প্রাতঃ সুতমপিবো হর্যশ্ব মাধ্যংদিনং সবনং কেবলং তে ।
সমৃভুভিঃ পিবস্ব রত্নধেভিঃ সখীঁর্যাঁ ইন্দ্র চকৃষে সুকৃত্যা ॥৭॥

যে দেবাসো অভবতা সুকৃত্যা শ্যেনা ইবেদধি দিবি নিষেদ ।
তে রত্নং ধাত শবসো নপাতঃ সৌধন্বনা অভবতামৃতাসঃ ॥৮॥

যত্তৃতীয়ং সবনং রত্নধেয়মকৃণুধ্বং স্বপস্যা সুহস্তাঃ ।
তদৃভবঃ পরিষিক্তং ব এতৎ সং মদেভিরিন্দ্রিয়েভিঃ পিবধ্বম্ ॥৯॥