সূক্ত 31

31.1

১৫ বামদেবো গৌতমঃ। ইন্দ্রঃ। গায়ত্রী, ৩ পাদ নিচৃৎ।

কয়া নশ্চিত্র আ ভুবদূতী সদাবৃধঃ সখা । কয়া শচিষ্ঠয়া বৃতা ॥১॥

কস্ত্বা সত্যো মদানাং মংহিষ্ঠো মত্সদন্ধসঃ । দৃলহা চিদারুজে বসু ॥২॥

অভী ষু ণঃ সখীনামবিতা জরিতৄণাম্ । শতং ভবাস্যূতিভিঃ ॥৩॥

অভী ন আ ববৃত্স্ব চক্রং ন বৃত্তমর্বতঃ । নিয়ুদ্ভিশ্চর্ষণীনাম্ ॥৪॥

প্রবতা হি ক্রতূনামা হা পদেব গচ্ছসি । অভক্ষি সূর্যে সচা ॥৫॥

সং যত্ত ইন্দ্র মন্যবঃ সং চক্রাণি দধন্বিরে । অধ ত্বে অধ সূর্যে ॥৬॥

উত স্মা হি ত্বামাহুরিন্মঘবানং শচীপতে । দাতারমবিদীধয়ুম্ ॥৭॥

উত স্মা সদ্য ইৎ পরি শশমানায় সুন্বতে । পুরূ চিন্মংহসে বসু ॥৮॥

নহি ষ্মা তে শতং চন রাধো বরন্ত আমুরঃ । ন চ্যৌত্নানি করিষ্যতঃ ॥৯॥

অস্মাঁ অবন্তু তে শতমস্মান্ ত্সহস্রমূতয়ঃ । অস্মান্ বিশ্বা অভিষ্টয়ঃ ॥১০॥

অস্মাঁ ইহা বৃণীষ্ব সখ্যায় স্বস্তয়ে । মহো রায়ে দিবিত্মতে ॥১১॥

অস্মাঁ অবিড্ঢি বিশ্বহেন্দ্র রায়া পরীণসা । অস্মান্ বিশ্বাভিরূতিভিঃ ॥১২॥

অস্মভ্যং তাঁ অপা বৃধি ব্রজাঁ অস্তেব গোমতঃ । নবাভিরিন্দ্রোতিভিঃ ॥১৩॥

অস্মাকং ধৃষ্ণুয়া রথো দ্যুমাঁ ইন্দ্রানপচ্যুতঃ । গব্যুরশ্বয়ুরীয়তে ॥১৪॥

অস্মাকমুত্তমং কৃধি শ্রবো দেবেষু সূর্য । বর্ষিষ্ঠং দ্যামিবোপরি ॥১৫॥