সূক্ত 30

30.1

২৪ বামদেবো গৌতমঃ। ইন্দ্রঃ, ৯-১১ ইন্দ্রোষসো। গায়ত্রী, ৮-২৪ অনুষ্টুপ্।

নকিরিন্দ্র ত্বদুত্তরো ন জ্যায়াঁ অস্তি বৃত্রহন্ । নকিরেবা যথা ত্বম্ ॥১॥

30.2

সত্রা তে অনু কৃষ্টয়ো বিশ্বা চক্রেব বাবৃতুঃ । সত্রা মহাঁ অসি শ্রুতঃ ॥২॥

30.3

বিশ্বে চনেদনা ত্বা দেবাস ইন্দ্র যুয়ুধুঃ । যদহা নক্তমাতিরঃ ॥৩॥

30.4

যত্রোত বাধিতেভ্যশ্চক্রং কুত্সায় যুধ্যতে । মুষায় ইন্দ্র সূর্যম্ ॥৪॥

30.5

যত্র দেবাঁ ঋঘায়তো বিশ্বাঁ অয়ুধ্য এক ইৎ । ত্বমিন্দ্র বনূঁরহন্ ॥৫॥

30.6

যত্রোত মর্ত্যায় কমরিণা ইন্দ্র সূর্যম্ । প্রাবঃ শচীভিরেতশম্ ॥৬॥

30.7

কিমাদুতাসি বৃত্রহন্ মঘবন্ মন্যুমত্তমঃ । অত্রাহ দানুমাতিরঃ ॥৭॥

30.8

এতদ্ ঘেদুত বীর্য১মিন্দ্র চকর্থ পৌংস্যম্ । স্ত্রিয়ং যদ্ দুর্হণায়ুবং বধীর্দুহিতরং দিবঃ ॥৮॥

30.9

দিবশ্চিদ্ ঘা দুহিতরং মহান্ মহীয়মানাম্ । উষাসমিন্দ্র সং পিণক্ ॥৯॥

30.10

অপোষা অনসঃ সরৎ সম্পিষ্টাদহ বিভ্যুষী । নি যত্সীং শিশ্নথদ্ বৃষা ॥১০॥

30.11

এতদস্যা অনঃ শয়ে সুসম্পিষ্টং বিপাশ্যা । সসার সীং পরাবতঃ ॥১১॥

30.12

উত সিন্ধুং বিবাল্যং বিতস্থানামধি ক্ষমি । পরি ষ্ঠা ইন্দ্র মায়য়া ॥১২॥

30.13

উত শুষ্ণস্য ধৃষ্ণুয়া প্র মৃক্ষো অভি বেদনম্ । পুরো যদস্য সম্পিণক্ ॥১৩॥

30.14

উত দাসং কৌলিতরং বৃহতঃ পর্বতাদধি । অবাহন্নিন্দ্র শম্বরম্ ॥১৪॥

30.15

উত দাসস্য বর্চিনঃ সহস্রাণি শতাবধীঃ । অধি পঞ্চ প্রধীঁরিব ॥১৫॥

30.16

উত ত্যং পুত্রমগ্রুবঃ পরাবৃক্তং শতক্রতুঃ । উক্থেষ্বিন্দ্র আভজৎ ॥১৬॥

30.17

উত ত্যা তুর্বশায়দূ অস্নাতারা শচীপতিঃ । ইন্দ্রো বিদ্বাঁ অপারয়ৎ ॥১৭॥

30.18

উত ত্যা সদ্য আর্যা সরয়োরিন্দ্র পারতঃ । অর্ণাচিত্ররথাবধীঃ ॥১৮॥

30.19

অনু দ্বা জহিতা নয়োঽন্ধং শ্রোণং চ বৃত্রহন্ । ন তৎ তে সুম্নমষ্টবে ॥১৯॥

30.20

শতমশ্মন্ময়ীনাং পুরামিন্দ্রো ব্যাস্যৎ । দিবোদাসায় দাশুষে ॥২০॥

30.21

অস্বাপয়দ্ দভীতয়ে সহস্রা ত্রিংশতং হথৈঃ । দাসানামিন্দ্রো মায়য়া ॥২১॥

30.22

স ঘেদুতাসি বৃত্রহন্ ত্সমান ইন্দ্র গোপতিঃ । যস্তা বিশ্বানি চিচ্যুষে ॥২২॥

30.23

উত নূনং যদিন্দ্রিয়ং করিষ্যা ইন্দ্র পৌংস্যম্ । অদ্যা নকিষ্টদা মিনৎ ॥২৩॥

30.24

বামংবামং ত আদুরে দেবো দদাত্বর্যমা । বামং পূষা বামং ভগো বামং দেবঃ করূলতী ॥২৪॥