সূক্ত 29

29.1

৫ বামদেবো গৌতমঃ। ইন্দ্রঃ। ত্রিষ্টুপ্।

আ নঃ স্তুত উপ বাজেভিরূতী ইন্দ্র যাহি হরিভির্মন্দসানঃ ।
তিরশ্চিদর্যঃ সবনা পুরূণ্যাঙ্গূষেভির্গৃণানঃ সত্যরাধাঃ ॥১॥

29.2

আ হি ষ্মা যাতি নর্যশ্চিকিত্বান্ হূয়মানঃ সোতৃভিরুপ যজ্ঞম্ ।
স্বশ্বো যো অভীরুর্মন্যমানঃ সুষ্বাণেভির্মদতি সং হ বীরৈঃ ॥২॥

29.3

শ্রাবয়েদস্য কর্ণা বাজয়ধ্যৈ জুষ্টামনু প্র দিশং মন্দয়ধ্যৈ ।
উদ্বাবৃষাণো রাধসে তুবিষ্মান্ করন্ন ইন্দ্রঃ সুতীর্থাভয়ং চ ॥৩॥

29.4

অচ্ছা যো গন্তা নাধমানমূতী ইত্থা বিপ্রং হবমানং গৃণন্তম্ ।
উপ ত্মনি দধানো ধুর্যা৩শূন্ ত্সহস্রাণি শতানি বজ্রবাহুঃ ॥৪॥

29.5

ত্বোতাসো মঘবন্নিন্দ্র বিপ্রা বয়ং তে স্যাম সূরয়ো গৃণন্তঃ ।
ভেজানাসো বৃহদ্দিবস্য রায় আকায্যস্য দাবনে পুরুক্ষোঃ ॥৫॥