সূক্ত 28

28.1

৫ বামদেবো গৌতমঃ। ইন্দ্রঃ, ইন্দ্রাসোমৌ বা। ত্রিষ্টুপ্।

ত্বা যুজা তব তৎ সোম সখ্য ইন্দ্রো অপো মনবে সস্রুতস্কঃ ।
অহন্নহিমরিণাৎ সপ্ত সিন্ধূনপাবৃণোদপিহিতেব খানি ॥১॥

28.2

ত্বা যুজা নি খিদৎ সূর্যস্যেন্দ্রশ্চক্রং সহসা সদ্য ইন্দো ।
অধি ষ্ণুনা বৃহতা বর্তমানং মহো দ্রুহো অপ বিশ্বায়ু ধায়ি ॥২॥

28.3

অহন্নিন্দ্রো অদহদগ্নিরিন্দো পুরা দস্যূন্মধ্যংদিনাদভীকে ।
দুর্গে দুরোণে ক্রত্বা ন যাতাং পুরূ সহস্রা শর্বা নি বর্হীৎ ॥৩॥

28.4

বিশ্বস্মাৎ সীমধমাঁ ইন্দ্র দস্যূন্ বিশো দাসীরকৃণোরপ্রশস্তাঃ ।
অবাধেথামমৃণতং নি শত্রূনবিন্দেথামপচিতিং বধত্রৈঃ ॥৪॥

28.5

এবা সত্যং মঘবানা যুবং তদিন্দ্রশ্চ সোমোর্বমশ্ব্যং গোঃ ।
আদর্দৃতমপিহিতান্যশ্না রিরিচথুঃ ক্ষাশ্চিৎ ততৃদানা ॥৫॥