সূক্ত 27

27.1

৫ বামদেবো গৌতমঃ। শ্যেনঃ, ৫ ইন্দ্রো বা। ত্রিষ্টুপ্, ৫ শক্বরী।

গর্ভে নু সন্নন্বেষামবেদমহং দেবানাং জনিমানি বিশ্বা ।
শতং মা পুর আয়সীররক্ষন্নধ শ্যেনো জবসা নিরদীয়ম্ ॥১॥

27.2

ন ঘা স মামপ জোষং জভারাঽভীমাস ত্বক্ষসা বীর্যেণ ।
ঈর্মা পুরংধিরজহাদরাতীরুত বাতাঁ অতরচ্ছূশুবানঃ ॥২॥

27.3

অব যচ্ছ্যেনো অস্বনীদধ দ্যোর্বি যদ্ যদি বাত ঊহুঃ পুরংধিম্ ।
সৃজদ্ যদস্মা অব হ ক্ষিপজ্জ্যাং কৃশানুরস্তা মনসা ভুরণ্যন্ ॥৩॥

27.4

ঋজিপ্য ঈমিন্দ্রাবতো ন ভুজ্যুং শ্যেনো জভার বৃহতো অধি ষ্ণোঃ ।
অন্তঃ পতৎ পতত্র্যস্য পর্ণমধ যামনি প্রসিতস্য তদ্ বেঃ ॥৪॥

27.5

অধ শ্বেতং কলশং গোভিরক্তমাপিপ্যানং মঘবা শুক্রমন্ধঃ ।
অধ্বর্যুভিঃ প্রয়তং মধ্বো অগ্রমিন্দ্রো মদায় প্রতি ধৎ পিবধ্যৈ শূরো মদায় প্রতি ধৎ পিবধ্যৈ ॥৫॥