সূক্ত 26

26.1

৭ বামদেবো গৌতমঃ, ১-৩ ইন্দ্রো বা। ১-৩ ইন্দ্রঃ, আত্মা বা, ৪-৭ শ্যেনঃ। ত্রিষ্টুপ্।

অহং মনুরভবং সূর্যশ্চাহং কক্ষীবাঁ ঋষিরস্মি বিপ্রঃ ।
অহং কুত্সমার্জুনেয়ং ন্যৃঞ্জেঽহং কবিরুশনা পশ্যতা মা ॥১॥

26.2

অহং ভূমিমদদামার্যায়াঽহং বৃষ্টিং দাশুষে মর্ত্যায় ।
অহমপো অনয়ং বাবশানা মম দেবাসো অনু কেতমায়ন্ ॥২॥

26.3

অহং পুরো মন্দসানো ব্যৈরং নব সাকং নবতীঃ শম্বরস্য ।
শততমং বেশ্যং সর্বতাতা দিবোদাসমতিথিগ্বং যদাবম্ ॥৩॥

26.4

প্র সু ষ বিভ্যো মরুতো বিরস্তু প্র শ্যেনঃ শ্যেনেভ্য আশুপত্বা ।
অচক্রয়া যৎ স্বধয়া সুপর্ণো হব্যং ভরন্মনবে দেবজুষ্টম্ ॥৪॥

26.5

ভরদ্ যদি বিরতো বেবিজানঃ পথোরুণা মনোজবা অসর্জি ।
তূয়ং যয়ৌ মধুনা সোম্যেনোত শ্রবো বিবিদে শ্যেনো অত্র ॥৫॥

26.6

ঋজীপী শ্যেনো দদমানো অংশুং পরাবতঃ শকুনো মন্দ্রং মদম্ ।
সোমং ভরদ্ দাদৃহাণো দেবাবান্ দিবো অমুষ্মাদুত্তরাদাদায় ॥৬॥

26.7

আদায় শ্যেনো অভরৎ সোমং সহস্রং সবাঁ অয়ুতং চ সাকম্ ।
অত্রা পুরংধিরজহাদরাতীর্মদে সোমস্য মূরা অমূরঃ ॥৭॥