সূক্ত 25

25.1

৮ বামদেবো গৌতমঃ। ইন্দ্রঃ। ত্রিষ্টুপ্।

কো অদ্য নর্যো দেবকাম উশন্নিন্দ্রস্য সখ্যং জুজোষ ।
কো বা মহেঽবসে পার্যায় সমিদ্ধে অগ্নৌ সুতসোম ঈট্টে ॥১॥

কো নানাম বচসা সোম্যায় মনায়ুর্বা ভবতি বস্ত উস্রাঃ ।
ক ইন্দ্রস্য যুজ্যং কঃ সখিত্বং কো ভ্রাত্রং বষ্টি কবয়ে ক ঊতী ॥২॥

কো দেবানামবো অদ্যা বৃণীতে ক আদিত্যাঁ অদিতিং জ্যোতিরীট্টে ।
কস্যাশ্বিনাবিন্দ্রো অগ্নিঃ সুতস্যাংঽশোঃ পিবন্তি মনসাবিবেনম্ ॥৩॥

তস্মা অগ্নির্ভারতঃ শর্ম যংসজ্জ্যোক্ পশ্যাৎ সূর্যমুচ্চরন্তম্ ।
য ইন্দ্রায় সুনবামেত্যাহ নরে নর্যায় নৃতমায় নৃণাম্ ॥৪॥

ন তং জিনন্তি বহবো ন দভ্রা উর্বস্মা অদিতিঃ শর্ম যংসৎ ।
প্রিয়ঃ সুকৃৎ প্রিয় ইন্দ্রে মনায়ুঃ প্রিয়ঃ সুপ্রাবীঃ প্রিয়ো অস্য সোমী ॥৫॥

সুপ্রাব্যঃ প্রাশুষালেষ বীরঃ সুষ্বেঃ পক্তিং কৃণুতে কেবলেন্দ্রঃ ।
নাসুষ্বেরাপির্ন সখা ন জামির্দুষ্প্রাব্যোঽবহন্তেদবাচঃ ॥৬॥

ন রেবতা পণিনা সখ্যমিন্দ্রোঽসুন্বতা সুতপাঃ সং গৃণীতে ।
আস্য বেদঃ খিদতি হন্তি নগ্নং বি সুষ্বয়ে পক্তয়ে কেবলো ভূৎ ॥৭॥

ইন্দ্রং পরেঽবরে মধ্যমাস ইন্দ্রং যান্তোঽবসিতাস ইন্দ্রম্ ।
ইন্দ্রং ক্ষিয়ন্ত উত যুধ্যমানা ইন্দ্রং নরো বাজয়ন্তো হবন্তে ॥৮॥