সূক্ত 24

24.1

১১ বামদেবো গৌতমঃ। ইন্দ্রঃ। ত্রিষ্টুপ্, ১০ অনুষ্টুপ্ ।

কা সুষ্টুতিঃ শবসঃ সূনুমিন্দ্রমর্বাচীনং রাধস আ ববর্তৎ ।
দদির্হি বীরো গৃণতে বসূনি স গোপতির্নিষ্ষিধাং নো জনাসঃ ॥১॥

স বৃত্রহত্যে হব্যঃ স ঈড্যঃ স সুষ্টুত ইন্দ্রঃ সত্যরাধাঃ ।
স যামন্না মঘবা মর্ত্যায় ব্রহ্মণ্যতে সুষ্বয়ে বরিবো ধাৎ ॥২॥

তমিন্নরো বি হ্বয়ন্তে সমীকে রিরিক্বাংসস্তন্বঃ কৃণ্বত ত্রাম্ ।
মিথো যৎ ত্যাগমুভয়াসো অগ্মন্ নরস্তোকস্য তনয়স্য সাতৌ ॥৩॥

ক্রতূয়ন্তি ক্ষিতয়ো যোগ উগ্রাঽঽশুষাণাসো মিথো অর্ণসাতৌ ।
সং যদ্ বিশোঽববৃত্রন্ত যুধ্মা আদিন্নেম ইন্দ্রয়ন্তে অভীকে ॥৪॥

আদিদ্ধ নেম ইন্দ্রিয়ং যজন্ত আদিৎ পক্তিঃ পুরোলাশং রিরিচ্যাৎ ।
আদিৎ সোমো বি পপৃচ্যাদসুষ্বীনাদিজ্জুজোষ বৃষভং যজধ্যৈ ॥৫॥

কৃণোত্যস্মৈ বরিবো য ইত্থেন্দ্রায় সোমমুশতে সুনোতি ।
সধ্রীচীনেন মনসাবিবেনন্ তমিৎ সখায়ং কৃণুতে সমত্সু ॥৬॥

য ইন্দ্রায় সুনবৎ সোমমদ্য পচাৎ পক্তীরুত ভৃজ্জাতি ধানাঃ ।
প্রতি মনায়োরুচথানি হর্যন্ তস্মিন্ দধদ্ বৃষণং শুষ্মমিন্দ্রঃ ॥৭॥

যদা সমর্যং ব্যচেদৃঘাবা দীর্ঘং যদাজিমভ্যখ্যদর্যঃ ।
অচিক্রদদ্ বৃষণং পত্ন্যচ্ছা দুরোণ আ নিশিতং সোমসুদ্ভিঃ ॥৮॥

ভূয়সা বস্নমচরৎ কনীয়োঽবিক্রীতো অকানিষং পুনর্যন্ ।
স ভূয়সা কনীয়ো নারিরেচীদ্ দীনা দক্ষা বি দুহন্তি প্র বাণম্ ॥৯॥

ক ইমং দশভির্মমেন্দ্রং ক্রীণাতি ধেনুভিঃ ।
যদা বৃত্রাণি জঙ্ঘনদথৈনং মে পুনর্দদৎ ॥১০॥

নূ ষ্টুত ইন্দ্র নূ গৃণান ইষং জরিত্রে নদ্যো৩ ন পীপেঃ ।
অকারি তে হরিবো ব্রহ্ম নব্যং ধিয়া স্যাম রথ্যঃ সদাসাঃ ॥১১॥