সূক্ত 9

9.1

৯ গাথিনো বিশ্বামিত্রঃ। অগ্নিঃ। বৃহতী, ৯ ত্রিষ্টুপ্।

সখায়স্ত্বা ববৃমহে দেবং মর্তাস ঊতয়ে ।
অপাং নপাতং সুভগং সুদীদিতিং সুপ্রতূর্তিমনেহসম্ ॥১॥

কায়মানো বনা ত্বং যন্মাতৄরজগন্নপঃ ।
ন তৎ তে অগ্নে প্রমৃষে নিবর্তনং যদ্ দূরে সন্নিহাভবঃ ॥২॥

অতি তৃষ্টং ববক্ষিথাথৈব সুমনা অসি ।
প্রপ্রান্যে যন্তি পর্যন্য আসতে যেষাং সখ্যে অসি শ্রিতঃ ॥৩॥

ঈয়িবাংসমতি স্রিধঃ শশ্বতীরতি সশ্চতঃ ।
অন্বীমবিন্দন্ নিচিরাসো অদ্রুহোঽপ্সু সিংহমিব শ্রিতম্ ॥৪॥

সসৃবাংসমিব ত্মনা ঽগ্নিমিত্থা তিরোহিতম্ ।
ঐনং নয়ন্মাতরিশ্বা পরাবতো দেবেভ্যো মথিতং পরি ॥৫॥

তং ত্বা মর্তা অগৃভ্ণত দেবেভ্যো হব্যবাহন ।
বিশ্বান্ যদ্ যজ্ঞাঁ অভিপাসি মানুষ তব ক্রত্বা যবিষ্ঠ্য ॥৬॥

তদ্ ভদ্রং তব দংসনা পাকায় চিচ্ছদয়তি ।
ত্বাং যদগ্নে পশবঃ সমাসতে সমিদ্ধমপিশর্বরে ॥৭॥

আ জুহোতা স্বধ্বরং শীরং পাবকশোচিষম্ ।
আশুং দূতমজিরং প্রত্নমীড্যং শ্রুষ্টী দেবং সপর্যত ॥৮॥

ত্রীণি শতা ত্রী সহস্রাণ্যগ্নিং ত্রিংশচ্চ দেবা নব চাসপর্যন্ ।
ঔক্ষন্ ঘৃতৈরস্তৃণন্ বর্হিরস্মা আদিদ্ধোতারং ন্যসাদয়ন্ত ॥৯॥