সূক্ত 10

10.1

৯ গাথিনো বিশ্বামিত্রঃ। অগ্নিঃ। উষ্ণিক্।

ত্বামগ্নে মনীষিণঃ সম্রাজং চর্ষণীনাম্ । দেবং মর্তাস ইন্ধতে সমধ্বরে ॥১॥

ত্বাং যজ্ঞেষ্বৃত্বিজমগ্নে হোতারমীলতে । গোপা ঋতস্য দীদিহি স্বে দমে ॥২॥

স ঘা যস্তে দদাশতি সমিধা জাতবেদসে । সো অগ্নে ধত্তে সুবীর্যং স পুষ্যতি ॥৩॥

স কেতুরধ্বরাণামগ্নির্দেবেভিরা গমৎ । অঞ্জানঃ সপ্ত হোতৃভির্হবিষ্মতে ॥৪॥

প্র হোত্রে পূর্ব্যং বচোঽগ্নয়ে ভরতা বৃহৎ । বিপাং জ্যোতীংষি বিভ্রতে ন বেধসে ॥৫॥

অগ্নিং বর্ধন্তু নো গিরো যতো জায়ত উক্থ্যঃ । মহে বাজায় দ্রবিণায় দর্শতঃ ॥৬॥

অগ্নে যজিষ্ঠো অধ্বরে দেবান্ দেবয়তে যজ । হোতা মন্দ্রো বি রাজস্যতি স্রিধঃ ॥৭॥

স নঃ পাবক দীদিহি দ্যুমদস্মে সুবীর্যম্ । ভবা স্তোতৃভ্যো অন্তমঃ স্বস্তয়ে ॥৮॥

তং ত্বা বিপ্রা বিপন্যবো জাগৃবাংসঃ সমিন্ধতে । হব্যবাহমমর্ত্যং সহোবৃধম্ ॥৯॥