সূক্ত 11

11.1

৯ গাথিনো বিশ্বামিত্রঃ। অগ্নিঃ। গায়ত্রী।

অগ্নির্হোতা পুরোহিতোঽধ্বরস্য বিচর্ষণিঃ । স বেদ যজ্ঞমানুষক্ ॥১॥

11.2

স হব্যবালমর্ত্য উশিগ্দূতশ্চনোহিতঃ । অগ্নির্ধিয়া সমৃণ্বতি ॥২॥

11.3

অগ্নির্ধিয়া স চেততি কেতুর্যজ্ঞস্য পূর্ব্যঃ । অর্থং হ্যস্য তরণি ॥৩॥

11.4

অগ্নিং সূনুং সনশ্রুতং সহসো জাতবেদসম্ । বহ্নিং দেবা অকৃণ্বত ॥৪॥

11.5

অদাভ্যঃ পুরএতা বিশামগ্নির্মানুষীণাম্ । তূর্ণী রথঃ সদা নবঃ ॥৫॥

11.6

সাহ্বান্ বিশ্বা অভিয়ুজঃ ক্রতুর্দেবানামমৃক্তঃ । অগ্নিস্তুবিশ্রবস্তমঃ ॥৬॥

11.7

অভি প্রয়াংসি বাহসা দাশ্বাঁ অশ্নোতি মর্ত্যঃ । ক্ষয়ং পাবকশোচিষঃ ॥৭॥

11.8

পরি বিশ্বানি সুধিতা ঽগ্নেরশ্যাম মন্মভিঃ । বিপ্রাসো জাতবেদসঃ ॥৮॥

11.9

অগ্নে বিশ্বানি বার্যা বাজেষু সনিষামহে । ত্বে দেবাস এরিরে ॥৯॥