সূক্ত 12

12.1

৯ গাথিনো বিশ্বামিত্রঃ। ইন্দ্রাগ্নী। গায়ত্রী।

ইন্দ্রাগ্নী আ গতং সুতং গীর্ভির্নভো বরেণ্যম্ । অস্য পাতং ধিয়েষিতা ॥১॥

12.2

ইন্দ্রাগ্নী জরিতুঃ সচা যজ্ঞো জিগাতি চেতনঃ । অয়া পাতমিমং সুতম্ ॥২॥

12.3

ইন্দ্রমগ্নিং কবিচ্ছদা যজ্ঞস্য জূত্যা বৃণে । তা সোমস্যেহ তৃম্পতাম্ ॥৩॥

12.4

তোশা বৃত্রহণা হুবে সজিত্বানাপরাজিতা । ইন্দ্রাগ্নী বাজসাতমা ॥৪॥

12.5

প্র বামর্চন্ত্যুক্থিনো নীথাবিদো জরিতারঃ । ইন্দ্রাগ্নী ইষ আ বৃণে ॥৫॥

12.6

ইন্দ্রাগ্নী নবতিং পুরো দাসপত্নীরধূনুতম্ । সাকমেকেন কর্মণা ॥৬॥

12.7

ইন্দ্রাগ্নী অপসস্পর্যুপ প্র যন্তি ধীতয়ঃ । ঋতস্য পথ্যা৩ অনু ॥৭॥

12.8

ইন্দ্রাগ্নী তবিষাণি বাং সধস্থানি প্রয়াংসি চ । যুবোরপ্তূর্যং হিতম্ ॥৮॥

12.9

ইন্দ্রাগ্নী রোচনা দিবঃ পরি বাজেষু ভূষথঃ । তদ্বাং চেতি প্র বীর্যম্ ॥৯॥