সূক্ত 13

13.1

৭ ঋষভো বৈশ্বামিত্রঃ। অগ্নিঃ। অনুষ্টুপ্।

প্র বো দেবায়াগ্নয়ে বর্হিষ্ঠমর্চাস্মৈ ।
গমদ্ দেবেভিরা স নো যজিষ্ঠো বর্হিরা সদৎ ॥১॥

13.2

ঋতাবা যস্য রোদসী দক্ষং সচন্ত ঊতয়ঃ ।
হবিষ্মন্তস্তমীলতে তং সনিষ্যন্তোঽবসে ॥২॥

13.3

স যন্তা বিপ্র এষাং স যজ্ঞানামথা হি ষঃ ।
অগ্নিং তং বো দুবস্যত দাতা যো বনিতা মঘম্ ॥৩॥

13.4

স নঃ শর্মাণি বীতয়েঽগ্নির্যচ্ছতু শংতমা ।
যতো নঃ প্রুষ্ণবদ্ বসু দিবি ক্ষিতিভ্যো অপ্স্বা ॥৪॥

13.5

দীদিবাংসমপূর্ব্যং বস্বীভিরস্য ধীতিভিঃ ।
ঋক্বাণো অগ্নিমিন্ধতে হোতারং বিশ্পতিং বিশাম্ ॥৫॥

13.6

উত নো ব্রহ্মন্নবিষ উক্থেষু দেবহূতমঃ ।
শং নঃ শোচা মরুদ্বৃধোঽগ্নে সহস্রসাতমঃ ॥৬॥

13.7

নূ নো রাস্ব সহস্রবৎ তোকবত্পুষ্টিমদ্ বসু ।
দ্যুমদগ্নে সুবীর্যং বর্ষিষ্ঠমনুপক্ষিতম্ ॥৭॥