সূক্ত 7

7.1

১১ গাথিনো বিশ্বামিত্রঃ। অগ্নিঃ। ত্রিষ্টুপ্।

প্র য আরুঃ শিতিপৃষ্ঠস্য ধাসেরা মাতরা বিবিশুঃ সপ্ত বাণীঃ ।
পরিক্ষিতা পিতরা সং চরেতে প্র সর্স্রাতে দীর্ঘমায়ুঃ প্রয়ক্ষে ॥১॥

দিবক্ষসো ধেনবো বৃষ্ণো অশ্বা দেবীরা তস্থৌ মধুমদ্ বহন্তীঃ ।
ঋতস্য ত্বা সদসি ক্ষেময়ন্তং পর্যেকা চরতি বর্তনিং গৌঃ ॥২॥

আ সীমরোহৎ সুয়মা ভবন্তীঃ পতিশ্চিকিত্বান্ রয়িবিদ্ রয়ীণাম্ ।
প্র নীলপৃষ্ঠো অতসস্য ধাসেস্তা অবাসয়ৎ পুরুধপ্রতীকঃ ॥৩॥

মহি ত্বাষ্ট্রমূর্জয়ন্তীরজুর্যং স্তভূয়মানং বহতো বহন্তি ।
ব্যঙ্গেভির্দিদ্যুতানঃ সধস্থ একামিব রোদসী আ বিবেশ ॥৪॥

জানন্তি বৃষ্ণো অরুষস্য শেবমুত ব্রধ্নস্য শাসনে রণন্তি ।
দিবোরুচঃ সুরুচো রোচমানা ইলা যেষাং গণ্যা মাহিনা গীঃ ॥৫॥

উতো পিতৃভ্যাং প্রবিদানু ঘোষং মহো মহদ্ভ্যামনয়ন্ত শূষম্ ।
উক্ষা হ যত্র পরি ধানমক্তোরনু স্বং ধাম জরিতুর্ববক্ষ ॥৬॥

অধ্বর্যুভিঃ পঞ্চভিঃ সপ্ত বিপ্রাঃ প্রিয়ং রক্ষন্তে নিহিতং পদং বেঃ ।
প্রাঞ্চো মদন্ত্যুক্ষণো অজুর্যা দেবা দেবানামনু হি ব্রতা গুঃ ॥৭॥

দৈব্যা হোতারা প্রথমা ন্যৃঞ্জে সপ্ত পৃক্ষাসঃ স্বধয়া মদন্তি ।
ঋতং শংসন্ত ঋতমিৎ ত আহুরনু ব্রতং ব্রতপা দীধ্যানাঃ ॥৮॥

বৃষায়ন্তে মহে অত্যায় পূর্বীর্বৃষ্ণে চিত্রায় রশ্ময়ঃ সুয়ামাঃ ।
দেব হোতর্মন্দ্রতরশ্চিকিত্বান্ মহো দেবান্ রোদসী এহ বক্ষি ॥৯॥

পৃক্ষপ্রয়জো দ্রবিণঃ সুবাচঃ সুকেতব উষসো রেবদূষুঃ ।
উতো চিদগ্নে মহিনা পৃথিব্যাঃ কৃতং চিদেনঃ সং মহে দশস্য ॥১০॥

ইলামগ্নে পুরুদংসং সনিং গোঃ শশ্বত্তমং হবমানায় সাধ ।
স্যান্নঃ সূনুস্তনয়ো বিজাবাগ্নে সা তে সুমতির্ভূত্বস্মে ॥১১॥