সূক্ত 53

53.1

২৪ গাথিনো বিশ্বমিত্রঃ। ইন্দ্রঃ, ১ ইন্দ্রপর্বতৌ, ১৫, ১৬ বাক্,(সসর্পরী),১৭-২০ রথাঙ্গানি, ২১-২৪ অভিশাপঃ। ত্রিষ্টুপ্, ১০, ১৬ জগতী, ১৩ গায়ত্রী, ১২, ২০, ২২ অনুষ্টুপ্, ১৮ বৃহতী।

ইন্দ্রাপর্বতা বৃহতা রথেন বামীরিষ আ বহতং সুবীরাঃ ।
বীতং হব্যান্যধ্বরেষু দেবা বর্ধেথাং গীর্ভিরিলয়া মদন্তা ॥১॥

53.2

তিষ্ঠা সু কং মঘবন্ মা পরা গাঃ সোমস্য নু ত্বা সুষুতস্য যক্ষি ।
পিতুর্ন পুত্রঃ সিচমা রভে ত ইন্দ্র স্বাদিষ্ঠয়া গিরা শচীবঃ ॥২॥

53.3

শংসাবাধ্বর্যো প্রতি মে গৃণীহীন্দ্রায় বাহঃ কৃণবাব জুষ্টম্ ।
এদং বর্হির্যজমানস্য সীদাথা চ ভূদুক্থমিন্দ্রায় শস্তম্ ॥৩॥

53.4

জায়েদস্তং মঘবন্ ত্সেদু যোনিস্তদিৎ ত্বা যুক্তা হরয়ো বহন্তু ।
যদা কদা চ সুনবাম সোমমগ্নিষ্ট্বা দূতো ধন্বাত্যচ্ছ ॥৪॥

53.5

পরা যাহি মঘবন্না চ যাহীন্দ্র ভ্রাতরুভয়ত্রা তে অর্থম্ ।
যত্রা রথস্য বৃহতো নিধানং বিমোচনং বাজিনো রাসভস্য ॥৫॥

53.6

অপাঃ সোমমস্তমিন্দ্র প্র যাহি কল্যাণীর্জায়া সুরণং গৃহে তে ।
যত্রা রথস্য বৃহতো নিধানং বিমোচনং বাজিনো দক্ষিণাবৎ ॥৬॥

53.7

ইমে ভোজা অঙ্গিরসো বিরূপা দিবস্পুত্রাসো অসুরস্য বীরাঃ ।
বিশ্বামিত্রায় দদতো মঘানি সহস্রসাবে প্র তিরন্ত আয়ুঃ ॥৭॥

53.8

রূপংরূপং মঘবা বোভবীতি মায়াঃ কৃণ্বানস্তন্বং১ পরি স্বাম্ ।
ত্রির্যদ্ দিবঃ পরি মুহূর্তমাগাৎ স্বৈর্মন্ত্রৈরনৃতুপা ঋতাবা ॥৮॥

53.9

মহাঁ ঋষির্দেবজা দেবজূতোঽস্তভ্নাৎ সিন্ধুমর্ণবং নৃচক্ষাঃ ।
বিশ্বামিত্রো যদবহৎ সুদাসমপ্রিয়ায়ত কুশিকেভিরিন্দ্রঃ ॥৯॥

53.10

হংসা ইব কৃণুথ শ্লোকমদ্রিভির্মদন্তো গীর্ভিরধ্বরে সুতে সচা ।
দেবেভির্বিপ্রা ঋষয়ো নৃচক্ষসো বি পিবধ্বং কুশিকাঃ সোম্যং মধু ॥১০॥

53.11

উপ প্রেত কুশিকাশ্চেতয়ধ্বমশ্বং রায়ে প্র মুঞ্চতা সুদাসঃ ।
রাজা বৃত্রং জঙ্ঘনৎ প্রাগপাগুদগথা যজাতে বর আ পৃথিব্যাঃ ॥১১॥

53.12

য ইমে রোদসী উভে অহমিন্দ্রমতুষ্টবম্ ।
বিশ্বামিত্রস্য রক্ষতি ব্রহ্মেদং ভারতং জনম্ ॥১২॥

53.13

বিশ্বামিত্রা অরাসত ব্রহ্মেন্দ্রায় বজ্রিণে । করদিন্নঃ সুরাধসঃ ॥১৩॥

53.14

কিং তে কৃণ্বন্তি কীকটেষু গাবো নাশিরং দুহ্রে ন তপন্তি ঘর্মম্ ।
আ নো ভর প্রমগন্দস্য বেদো নৈচাশাখং মঘবন্ রন্ধয়া নঃ ॥১৪॥

53.15

সসর্পরীরমতিং বাধমানা বৃহন্মিমায় জমদগ্নিদত্তা ।
আ সূর্যস্য দুহিতা ততান শ্রবো দেবেষ্বমৃতমজুর্যম্ ॥১৫॥

53.16

সসর্পরীরভরৎ তূয়মেভ্যোঽধি শ্রবঃ পাঞ্চজন্যাসু কৃষ্টিষু ।
সা পক্ষ্যা৩ নব্যমায়ুর্দধানা যাং মে পলস্তিজমদগ্নয়ো দদুঃ ॥১৬॥

53.17

স্থিরৌ গাবৌ ভবতাং বীলুরক্ষো মেষা বি বর্হি মা যুগং বি শারি ।
ইন্দ্রঃ পাতল্যে দদতাং শরীতোররিষ্টনেমে অভি নঃ সচস্ব ॥১৭॥

53.18

বলং ধেহি তনূষু নো বলমিন্দ্রানলুত্সু নঃ ।
বলং তোকায় তনয়ায় জীবসে ত্বং হি বলদা অসি ॥১৮॥

53.19

অভি ব্যয়স্ব খদিরস্য সারমোজো ধেহি স্পন্দনে শিংশপায়াম্ ।
অক্ষ বীলো বীলিত বীলয়স্ব মা যামাদস্মাদব জীহিপো নঃ ॥১৯॥

53.20

অয়মস্মান্ বনস্পতির্মা চ হা মা চ রীরিষৎ ।
স্বস্ত্যা গৃহেভ্য আবসা আ বিমোচনাৎ ॥২০॥

53.21

ইন্দ্রোতিভির্বহুলাভির্নো অদ্য যাচ্ছ্রেষ্ঠাভির্মঘবঞ্ছূর জিন্ব ।
যো নো দ্বেষ্ট্যধরঃ সস্পদীষ্ট যমু দ্বিষ্মস্তমু প্রাণো জহাতু ॥২১॥

53.22

পরশুং চিদ্ বি তপতি শিম্বলং চিদ্ বি বৃশ্চতি ।
উখা চিদিন্দ্র যেষন্তী প্রয়স্তা ফেনমস্যতি ॥২২॥

53.23

ন সায়কস্য চিকিতে জনাসো লোধং নয়ন্তি পশু মন্যমানাঃ ।
নাবাজিনং বাজিনা হাসয়ন্তি ন গর্দভং পুরো অশ্বান্নয়ন্তি ॥২৩॥

53.24

ইম ইন্দ্র ভরতস্য পুত্রা অপপিত্বং চিকিতুর্ন প্রপিত্বম্ ।
হিন্বন্ত্যশ্বমরণং ন নিত্যং জ্যাবাজং পরি ণয়ন্ত্যাজৌ ॥২৪॥