সূক্ত 52

52.1

৮ গাথিনো বিশ্বামিত্রঃ।ইন্দ্রঃ। ত্রিষ্টুপ্, ১-৪গায়ত্রী, ৬ জগতী।

ধানাবন্তং করম্ভিণমপূপবন্তমুক্থিনম্ । ইন্দ্র প্রাতর্জুষস্ব নঃ ॥১॥

52.2

পুরোলাশং পচত্যং জুষস্বেন্দ্রা গুরস্ব চ । তুভ্যং হব্যানি সিস্রতে ॥২॥

52.3

পুরোলাশং চ নো ঘসো জোষয়াসে গিরশ্চ নঃ । বধূয়ুরিব যোষণাম্ ॥৩॥

52.4

পুরোলাশং সনশ্রুত প্রাতঃসাবে জুষস্ব নঃ । ইন্দ্র ক্রতুর্হি তে বৃহন্ ॥৪॥

52.5

মাধ্যংদিনস্য সবনস্য ধানাঃ পুরোলাশমিন্দ্র কৃষ্বেহ চারুম্ ।
প্র যৎ স্তোতা জরিতা তূর্ণ্যর্থো বৃষায়মাণ উপ গীর্ভিরীট্টে ॥৫॥

52.6

তৃতীয়ে ধানাঃ সবনে পুরুষ্টুত পুরোলাশমাহুতং মামহস্ব নঃ ।
ঋভুমন্তং বাজবন্তং ত্বা কবে প্রয়স্বন্ত উপ শিক্ষেম ধীতিভিঃ ॥৬॥

52.7

পূষণ্বতে তে চকৃমা করম্ভং হরিবতে হর্যশ্বায় ধানাঃ ।
অপূপমদ্ধি সগণো মরুদ্ভিঃ সোমং পিব বৃত্রহা শূর বিদ্বান্ ॥৭॥

52.8

প্রতি ধানা ভরত তূয়মস্মৈ পুরোলাশং বীরতমায় নৃণাম্ ।
দিবেদিবে সদৃশীরিন্দ্র তুভ্যং বর্ধন্তু ত্বা সোমপেয়ায় ধৃষ্ণো ॥৮॥