সূক্ত 51

51.1

১২ গাথিনো বিশ্বামিত্রঃ।ইন্দ্রঃ। ত্রিষ্টুপ্, ১-৩জগতী, ১০-১২ গায়ত্রী।

চর্ষণীধৃতং মঘবানমুক্থ্য১মিন্দ্রং গিরো বৃহতীরভ্যনূষত ।
বাবৃধানং পুরুহূতং সুবৃক্তিভিরমর্ত্যং জরমাণং দিবেদিবে ॥১॥

শতক্রতুমর্ণবং শাকিনং নরং গিরো ম ইন্দ্রমুপ যন্তি বিশ্বতঃ ।
বাজসনিং পূর্ভিদং তূর্ণিমপ্তুরং ধামসাচমভিষাচং স্বর্বিদম্ ॥২॥

আকরে বসোর্জরিতা পনস্যতেঽনেহসঃ স্তুভ ইন্দ্রো দুবস্যতি ।
বিবস্বতঃ সদন আ হি পিপ্রিয়ে সত্রাসাহমভিমাতিহনং স্তুহি ॥৩॥

নৃণামু ত্বা নৃতমং গীর্ভিরুক্থৈরভি প্র বীরমর্চতা সবাধঃ ।
সং সহসে পুরুমায়ো জিহীতে নমো অস্য প্রদিব এক ঈশে ॥৪॥

পূর্বীরস্য নিষ্ষিধো মর্ত্যেষু পুরূ বসূনি পৃথিবী বিভর্তি ।
ইন্দ্রায় দ্যাব ওষধীরুতাপো রয়িং রক্ষন্তি জীরয়ো বনানি ॥৫॥

তুভ্যং ব্রহ্মাণি গির ইন্দ্র তুভ্যং সত্রা দধিরে হরিবো জুষস্ব ।
বোধ্যা৩পিরবসো নূতনস্য সখে বসো জরিতৃভ্যো বয়ো ধাঃ ॥৬॥

ইন্দ্র মরুত্ব ইহ পাহি সোমং যথা শার্যাতে অপিবঃ সুতস্য ।
তব প্রণীতী তব শূর শর্মন্না বিবাসন্তি কবয়ঃ সুয়জ্ঞাঃ ॥৭॥

স বাবশান ইহ পাহি সোমং মরুদ্ভিরিন্দ্র সখিভিঃ সুতং নঃ ।
জাতং যত্ত্বা পরি দেবা অভূষন্ মহে ভরায় পুরুহূত বিশ্বে ॥৮॥

অপ্তূর্যে মরুত আপিরেষোঽমন্দন্নিন্দ্রমনু দাতিবারাঃ ।
তেভিঃ সাকং পিবতু বৃত্রখাদঃ সুতং সোমং দাশুষঃ স্বে সধস্থে ॥৯॥

ইদং হ্যন্বোজসা সুতং রাধানাং পতে । পিবা ত্ব১স্য গির্বণঃ ॥১০॥

যস্তে অনু স্বধামসত্সুতে নি যচ্ছ তন্বম্ । স ত্বা মমত্তু সোম্যম্ ॥১১॥

প্র তে অশ্নোতু কুক্ষ্যোঃ প্রেন্দ্র ব্রহ্মণা শিরঃ । প্র বাহূ শূর রাধসে ॥১২॥