সূক্ত 50

50.1

৫ গাথিনো বিশ্বামিত্রঃ। ইন্দ্রঃ। ত্রিষ্টুপ্।

ইন্দ্রঃ স্বাহা পিবতু যস্য সোম আগত্যা তুম্রো বৃষভো মরুত্বান্ ।
ওরুব্যচাঃ পৃণতামেভিরন্নৈরাস্য হবিস্তন্ব১ঃ কামমৃধ্যাঃ ॥১॥

50.2

আ তে সপর্যূ জবসে যুনজ্মি যয়োরনু প্রদিবঃ শ্রুষ্টিমাবঃ ।
ইহ ত্বা ধেয়ুর্হরয়ঃ সুশিপ্র পিবা ত্ব১স্য সুষুতস্য চারোঃ ॥২॥

50.3

গোভির্মিমিক্ষুং দধিরে সুপারমিন্দ্রং জ্যৈষ্ঠ্যায় ধায়সে গৃণানাঃ ।
মন্দানঃ সোমং পপিবাঁ ঋজীষিন্ ত্সমস্মভ্যং পুরুধা গা ইষণ্য ॥৩॥

50.4

ইমং কামং মন্দয়া গোভিরশ্বৈশ্চন্দ্রবতা রাধসা পপ্রথশ্চ ।
স্বর্যবো মতিভিস্তুভ্যং বিপ্রা ইন্দ্রায় বাহঃ কুশিকাসো অক্রন্ ॥৪॥

50.5

শুনং হুবেম মঘবানমিন্দ্রমস্মিন্ ভরে নৃতমং বাজসাতৌ ।
শৃণ্বন্তমুগ্রমূতয়ে সমত্সু ঘ্নন্তং বৃত্রাণি সংজিতং ধনানাম্ ॥৫॥